Box Office Movie List : हॉरर, कॉमेडी ते मारधाड अन् अॅक्शन, 15 ऑगस्टला प्रदर्शित होणार 'हे' चार चित्रपट; मनोरंजनाची पर्वणी!

सरफिरानंतर अक्षय कुमार त्याचा आणखी एक चित्रपटासह रुपेरी पडद्यावर येण्यास सज्ज झाला आहे. 'खेल खेल में' 15 ऑगस्ट 2024 रोजी थिएटरमध्ये प्रदर्शित होणार आहे. या चित्रपटामध्ये फरदीन खान, पापसी पन्नू, वाणी कपूर, अॅमी विर्क, प्रज्ञा जैस्वाल आणि आदित्य सील हे कलाकार दिसणाार आहेत.

बॉलिवूड अभिनेता जॉन अब्राहम सध्या त्याचा आगामी चित्रपट 'वेदा'च्या रिलीजमुळे चर्चेत आहे. पठाणनंतर अभिनेता जॉन अब्राहम पुन्हा एकदा अॅक्शन करताना दिसणार आहे. हा चित्रपट 15 ऑगस्ट रोजी प्रदर्शित होणार आहे. या चित्रपटात जॉनसोबत अभिनेत्री शर्वरी वाघ आहे.

'स्त्री 2' चित्रपटाची प्रेक्षक आतुरतेने वाट पाहत आहेत. श्रध्दा कपूरच्या आगामी 'स्त्री 2' या चित्रपटाची जोरदार चर्चा सुरु आहे. नुकताच या चित्रपटाचा ट्रेलर प्रदर्शित झाला, जो प्रेक्षकांच्या चांगलाच पसंतीस उतरला. स्त्री 2 हा चित्रपट 2018 च्या ब्लॉकबस्टर स्त्री चित्रपटाचा सीक्वल आहे.

स्त्री 2 चित्रपट 15 ऑगस्ट रोजी रिलीज होणार आहे. या बहुप्रतिक्षित चित्रपटाचे पहिलं गाणं 'आज की रात' रिलीज झालं असून या गाण्याने सोशल मीडियावर धुमाकूळ घातला आहे. स्त्री 2 या चित्रपटाचे दिग्दर्शक अमर कौशिक हे आहेत.

रवी तेजाच्या 'मिस्टर बच्चन' चित्रपटाचा टीझर रिलीज झाला आहे. हा चित्रपट अजय देवगण स्टार रेडचा अधिकृत रिमेक आहे. या चित्रपटाचे दिग्दर्शन हरीश शंकर यांनी केले आहे. 'मिस्टर बच्चन' 12 ऑगस्टला चित्रपटगृहात प्रदर्शित होणार आहे.