सैनिकांच्या बलिदानाची आठवण करुन देणारा 'फौजी' चित्रपट लवकरच सिनेमागृहात

देशाला स्वातंत्र्य मिळवून देण्याचा शूरवीरांचा मोठा वारसा आपल्याला लाभलेला आहे.

देशाचे जवान आपले प्राण तळहातावर घेऊन देशाच्या रक्षणासाठी सीमेवर सुसज्ज असतात, त्यामुळे आपण सुरक्षित आहोत. अशाच जवानांच्या शौर्यगाथेवर आधारित 'फौजी' हा चित्रपट आहे.

सीमेवरच्या जवानांची अंगावर काटा आणणारी शौर्यकथा पोटतिडकीने मांडत, चैतन्य मराठे, भारत देशमुख या दोन जवानाचं आयुष्य फौजी चित्रपटातून दाखवण्यात आलं आहे.

'फौजी'चित्रपटाची कथा, पटकथा, संवाद, गीते घनशान येडे यांची आहेत. छायांकन मोहन वर्मा आणि संकलन विश्वजीत यांचे आहे.

'फौजी' मराठी चित्रपट 30 ऑगस्टला राज्यभरात प्रदर्शित होणार आहे. चित्रपटाला राजेश बामुगडे, बाबा चव्हाण, सूरज कुमार यांचं संगित आणि उमेश रावराणे, सूरज कुमार यांनी पार्श्ववसंगित दिलं आहे.