Nikita Dutta Viral Photo : नजरेचा नखरा नथीचा तोरा! बॉलिवूड अभिनेत्री निकीता दत्ताचा मराठमोळा अंदाज, पाहा फोटो

आगामी 'घरत गणपती' या कौटुंबिक चित्रपटात निकीता दत्ता भूमिका साकारत आहे. निकीता दत्ताचा मराठमोळा अंदाज असलेला लूक व्हायरल झाला आहे.

जरतारी काठाची जांभळ्या रंगाची पैठणी, केसांचा सैलसर अंबाडा त्यावर मोगऱ्याचा गजरा, कपाळी चंद्रकोर, नाकात नथ, गळ्यात पारंपरिक दागिने असा साजशृंगार करून निकिताने आपला मराठमोळा ठसका ऐटीत दाखविला आहे.

निकिता दत्ताने म्हटले की, 'घरत गणपती' हा माझा पहिलाच मराठी चित्रपट आहे. पण या निमित्ताने मराठी चित्रपटाशी, कलाकारांशी आणि इथल्या मराठमोळ्या संस्कृतीशी ओळख झाली.

इथले सण समारंभ, रितीरिवाज, पोशाख पेहराव या सगळ्यांनीच मला अक्षरशः भुरळ घातली, असे निकिताने सांगितले. निकीताचे मराठमोळा लूक असलेले फोटो सध्या व्हायरल होत आहे.

‘घरत गणपती’ हा चित्रपट 26 जुलै रोजी रिलीज होणार आहे. अजिंक्य देव आणि अश्विनी भावे हे 25 वर्षांनी एकत्र काम करत असून चित्रपटात कलाकारांची मांदियाळी आहे.

निकीता दत्ताने गोल्ड, कबीर सिंग या चित्रपटात काम केले. त्याशिवाय, द बिग बुल, खाकी: द बिहार चॅप्टर या वेब सीरिजमध्येही तिने काम केले.

निकीता दत्ताने फेमिना मिस इंडिया 2012 मध्ये सहभाग घेतला होता. त्यानंतर तिने 'लेकर हम दिवाना दिल' (2014) या रोमँटिक नाटकाद्वारे तिने अभिनयाची सुरुवात केली . दत्ताने 'ड्रीम गर्ल' (2015) मधून टीव्ही मालिका विश्वात पदार्पण केले आणि 'एक दुजे के वास्ते' (2016) द्वारे ती लोकप्रिय झाली.

निकीता दत्ताने गोल्ड, कबीर सिंग या चित्रपटात काम केले. त्याशिवाय, द बिग बुल, खाकी: द बिहार चॅप्टर या वेब सीरिजमध्येही तिने काम केले.