Happy Birthday Kangana Ranaut | कंगना रनौत... फॅशन ते मणिकर्णिका चार राष्ट्रीय पुरस्कार पटकावणारी अभिनेत्री

बॉलिवूड अभिनेत्री कंगना रनौतचा 34 वा वाढदिवस आहे. वाढदिवसानिमित्त चाहते कंगनाला वाढदिवसाच्या हार्दिक शुभेच्छा देत आहेत.

कंगना रनौत तिच्या वाढदिवसाच्या आधीच मोठं गिफ्ट मिळालं आहे. एक दिवस आधी झालेल्या 67 व्या राष्ट्रीय चित्रपट पुरस्कार सोहळ्यात कंगना रनौत राष्ट्रीय पुरस्कार जाहीर झाला आहे.

मागील वर्षी कोरोना व्हायरसच्या साथीमुळे हा पुरस्कार सोहळा होऊ शकला नाही आणि कोणता चित्रपटही प्रदर्शित झाला नाही. म्हणून यावर्षी पुरस्कारांची घोषणा 2019 मध्ये प्रदर्शित झालेल्या चित्रपटांच्या आधारे केली गेली. 'मणिकर्णिका: द क्वीन ऑफ झांसी' आणि 'पंगा' या चित्रपटासाठी कंगना रनौतहा सर्वोत्कृष्ट अभिनेत्रीचा पुरस्कार मिळाला आहे. कंगना राणौतचा हा चौथा पुरस्कार आहे.

याआधी कंगना रनौतने सर्वोत्कृष्ट अभिनेत्री प्रकारात तीन राष्ट्रीय पुरस्कार जिंकले आहेत. 2008 मध्ये आलेल्या 'फॅशन' सिनेमासाठी कंगनाने प्रथम सर्वोत्कृष्ट सहाय्यक अभिनेत्रीचा पुरस्कार जिंकला होता.

त्यानंतर 2014 मध्ये आलेल्या क्वीन चित्रपटातील दमदार अभिनयासाठी तिला सर्वोत्कृष्ट अभिनेत्रीचा पुरस्कार मिळाला होता. त्यानंतर 2015 मध्ये तिला 'तनू वेड्स मनू रिटर्न्स' साठी सर्वोत्कृष्ट अभिनेत्रीचा राष्ट्रीय पुरस्कार मिळाला होता.

जयललिता यांचा बायोपिक ' थलाईवी'चा ट्रेलर आज रिलीज झाला असून यामध्ये कंगनाचा हटके अंदाज दिसून येत आहे. कंगनाच्या वाढदिवसानिमित्ताने ट्रेलर रिलीज करुन अभिनेत्रीने आपल्या चाहत्यांना अनोखं गिफ्ट दिलं आहे.