Raghav Parineeti: राघव-परिणीतीचे उदयपूरच्या आलिशान पॅलेसमध्ये लग्न, एका रात्रीचं भाडं 8 लाख असलेलं हॉटेल कसं आहे?

बॉलिवूडची देसी गर्ल प्रियांका चोप्राची बहीण परिणीती चोप्रा आणि राघव चढ्ढा यांचा विवाह राजस्थानच्या उदयपूर शहरात 23 आणि 24 सप्टेंबर रोजी होणार आहे.

उदयपूरमधील सर्वात आलिशान हॉटेल लीला पॅलेसमध्ये पंजाबी रितीरिवाजांनुसार दोघांचे लग्न होणार आहे. त्यासाठी राजवाड्यात जय्यत तयारीही सुरू झाली आहे.

लग्नासाठी राजवाडा आकर्षक सजवण्यात येणार आहे. मिळालेल्या माहितीनुसार, दोघांच्या लग्नासाठी पुरेशी सुरक्षा व्यवस्था करण्यात आली आहे.

उदयपूरचा लीला पॅलेस पिचोला तलावाच्या काठावर बांधला गेला आहे. या ठिकाणी संध्याकाळनंतरचे दृश्य अतिशय विलोभनिय दिसते.

एका माहितीनुसार, उदयपूरच्या लीला पॅलेसमधील एका खोलीचे (महाराजा सूट) एका रात्रीसाठीचे भाडे हे 8 लाखांपेक्षा जास्त आहे.

या पॅलेसमध्ये लाउंज, सलून, एक आऊटडोअर पूल, स्पा, बोटिंग, लाईव्ह लोकसंगीत यांसारख्या सुविधा देण्यात आल्या आहेत.

परिणीती चोप्रा आणि राघव यांचा साखरपुडा या वर्षी मे महिन्यात झाला होती. त्याचे फोटोही सोशल मीडियावर चांगलेच व्हायरल झाले होते.