Rhea Chakraborty चा ग्लॅमरस लूक, सोशल मीडियावर चर्चा

Rhea Chakraborty New Photo : बॉलिवूड अभिनेता सुशांत सिंह राजपूतच्या मृत्यू प्रकरणानंतर अभिनेत्री रिया चक्रवर्ती चर्चेत आली होती. तिच्यावर अनेक आरोप-प्रत्यारोप करण्यात आले होते. आरोपांच्या सत्रामध्ये तिच्या भावासह तिला झालेली अटक, ट्रोलिंग यानंतर रियानं आपल्या आयुष्याला वळणं दिलं आहे. तिनं सोशल मीडियावरही अनेक पॉझिटिव्ह पोस्ट शेअर करण्यास सुरुवात केली. सध्या रिया सोशल मीडियावर अॅक्टिव असते. तसेच तिचे नवनवीन फोटोही शेअर करत असते. काही दिवसांपूर्वीच तिनं सोशल मीडियावर काही फोटो शेअर केले आहेत. (PHOTO : @rhea_chakraborty/Instagram)

रियानं शेअर केलेल्या फोटोंमध्ये तिचा बोल्ड आणि ग्लॅमरस अंदाज पाहायला मिळत आहे. तिनं फोटोमध्ये सुंदर लेहंगा परिधान केला आहे. तसेच या फोटोला रियानं 'ठहराव' असं कॅप्शन दिलं आहे. दरम्यान, रिया गेल्या वर्षी 2020 मध्ये सोशल मीडियावर फारशी अॅक्टिव्ह नव्हती. (PHOTO : @rhea_chakraborty/Instagram)

रिया आपल्या सोशल मीडिया अकाउंट्सवर आपले नवनवीन फोटो शेअर करत असते. रियाच्या या फोटोंवर प्रतिक्रिया देत एका चाहत्यानं म्हटलं आहे की, पुढे चालत राहा रिया आम्ही तुझ्यासोबत आहोत. आणखी एका युजरनं म्हटलं आहे की, 'तू अद्भूत आहेस, देव तुला नेहमीच आशीर्वाद देवो.' (PHOTO : @rhea_chakraborty/Instagram)

गेल्या काही दिवसांपासून रिया पोस्ट शेअर करत चाहत्यांना आपल्या आयुष्याबाबत सांगत आहे. 2020 मध्ये रिया चक्रवर्तीवर सुशांत सिंह राजपूतला आत्महत्येसाठी प्रवृत्त केल्याचा तसेच मनी लॉण्ड्रिंगचा आरोप रियावर लावण्यात आला होता. (PHOTO : @rhea_chakraborty/Instagram)

दिवंगत अभिनेता सुशांत सिंह राजपूतच्या वडिलांनी रिया आणि तिच्या कुटुंबियांविरोधात एफआयआर दाखल केला होता. रियाची चौकशी ईडी, सीबीआय आणि एनसीबीनं केली होती. तसेच ड्रग्स केसमध्ये रियाला अटकही करण्यात आली होती. (PHOTO : @rhea_chakraborty/Instagram)