कृती सेननने खरेदी केला आलिशान फ्लॅट, झाली 'बिग बीं'ची शेजारीण

बॉलीवुड जगतातील अभिनेत्री कृती सेननने मुंबईजवळ असलेल्या अलीबागमध्ये कोट्यवधी रुपयांचा फ्लॅट खरेदी केला आहे. या फ्लॅटची नेमकी किंमत पाहू या

कृती सेननने अलीबागमध्ये कोट्यवधी रुपयांची प्रॉपर्टी खरेदी केली आहे. बॉलीवूड क्षेत्रातील बरेच अॅक्टर्स महागड्या घरांमध्ये गुंतवणूक करण्यास पंसती देतात. या लिस्टमध्ये कृती सेननचेही नाव आले आहे.

कृती सेननने अलीबागमधील 'द हाउस ऑफ अभिनंदन' या ठिकाणी फ्लॅट खरेदी केला आहे.

कृतीने 2000 स्क्वेअर फुटाचा खूप सुंदर असा फ्लॅट विकत घेतला आहे.कृती सेननच्या घराची किंमत किती? हे अद्याप समोर आले नाही. कृतीने घर खरेदी करण्यासाठी 2 कोटी रुपयांची डिल पूर्ण केली आहे.

कृती सेनने खरेदी केलेल्या या फ्लॅटचे फोटो इन्स्टाग्रामवर पोस्ट केले आहेत. या फोटोंसोबत तिने हे घर खरेदी करणे माझ्यासाठी फार मोठी गोष्ट आहे. मला बऱ्याच दिवसांपासून घर खरेदी करायचे होते, असे कॅप्शन दिले आहे.

कृती खूप दिवसांपासून अलीबागमध्ये फ्लॅट घेऊ इच्छित होती.

मागील काही दिवसांपासून अलिबागमध्ये घर घेऊ इच्छिणाऱ्याची संख्या वाढली आहे. सरकार मुंबई आणि अलिबाग यादरम्यान कनेक्टीव्हीटी वाढवण्यासाठी प्रयत्नशील आहे. मुंबई ट्रान्स हार्बर (MTHL) लिंकमुळे अलीबागमध्ये घर खरेदी करणाऱ्याची संख्या वाढली आहे.

चित्रपटसृष्टीचे महानायक अमिताभ बच्चन यांनी 'द हाउस ऑफ अभिनंदन'मध्ये 10,000 स्क्वेअर फूट फ्लॅट खरेदी केला होता. या फ्लॅटची किंमत 10 कोटी रुपयांपेक्षा जास्त आहे.