In Pics: एकेकाळी माधुरीची हमशकल बनून मोठ्या पडद्यावर झळकली होती ही अभिनेत्री; आता मात्र बॉलीवूड जगतातून बाहेर

अंतरा माळीने 90 च्या दशकात अनेक सुपरहिट चित्रपटांमध्ये काम केलं आहे. अभिनेत्रीने तिच्या करिअरची सुरुवात 'ढूंढते रहे जाएंगे' या चित्रपटातून केली होती. पण तिला खरी प्रसिद्धी 'मैं माधुरी दीक्षित बनना चाहती हूं' या चित्रपटातून मिळाली.

या चित्रपटाने अंतराला रातोरात स्टार बनवले. मात्र यानंतर अभिनेत्रीचा कोणताही चित्रपट आला बॉक्स ऑफिसवर जास्त चालला नाही, त्यामुळे तिचे करिअर बनण्याआधीच संपले.

चित्रपटांमध्ये काम न मिळाल्याने अंतरा हळूहळू ग्लॅमर इंडस्ट्रीपासून दुरावली गेली. अभिनेत्री शेवटची 'अँड वन्स अगेन' या चित्रपटात दिसली होती, ज्यामध्ये तिच्या कामाचे खूप कौतुकही झाले होते.

अभिनयापासून दूर गेल्यानंतर अंतराने 2009 मध्ये पत्रकार चे कुरियन यांच्यासोबत लग्न केलं. आता हे जोडपे एका मुलीचे पालक आहेत. आजकाल अभिनेत्री आपल्या कुटुंबासोबत अतिशय साधे जीवन जगत आहे.

काही काळापूर्वी अंतरा सोशल मीडियावर खूप सक्रिय होती. जिथे ती अनेकदा तिच्या कुटुंबियांसोबत फोटो शेअर करत असायची, पण आता अभिनेत्रीने स्वतःला चाहत्यांपासूनही दूर केलं आहे.

अंतराने तिच्या करिअरमध्ये 'डरना मना है', 'गायब', 'नाच', 'मिस्टर और मिस' सारख्या चित्रपटांमध्ये काम केलं आहे.