Bollywood Actress : सहा चित्रपटांपैकी एकही सोलो हिट नाही, तरीही मुंबईत कोट्यवधींच्या घराची मालकीण झाली 'ही' अभिनेत्री

मुंबईत स्वतःचे सुंदर घर असावे असे प्रत्येक कलाकाराचे स्वप्न असते. बॉलीवूडच्या एका अभिनेत्रीने नुकतच तिचं हे स्वप्न पूर्ण केलं आहे.

या अभिनेत्रीने मोठ्या पडद्यावर रणबीर कपूरसोबत रोमान्स केला असून तिने संपूर्ण जगाला वेड लावलं. त्यातच आता ही अभिनेत्री रणबीर कपूरची शेजारी देखील बनली आहे.

नुकतच अभिनेत्री तृप्ती डिमरी हिने मुंबईतील वांद्रे परिसरात एक आलिशान घर विकत घेतले आहे.

अभिनेत्री तृप्ती डिमरीला नॅशनल क्रशचा टॅग देखील मिळाला आहे. ती ऍनिमल सिनेमात रणबीर कपूरसोबत रोमँटीक भूमिका साकारताना दिसली होती.

तृप्तीने 2017 मध्ये श्रेयस तळपदे दिग्दर्शित पहिल्या 'पोस्टर बॉईज' चित्रपटात काम करण्याची संधी मिळाली.

त्यानंतर ही अभिनेत्री 'लैला मजनू', 'मॉम', 'बुलबुल' आणि 'काला'मध्ये दिसली पण अभिनेत्रीला खरी प्रसिद्धी रणबीर कपूरच्या 'ऍनिमल' या चित्रपटातून मिळाली.

एवढेच नाही तर या चित्रपटानंतर तृप्तीचे नशीब इतके सुधारले की एकापाठोपाठ अनेक मोठे चित्रपट तिला मिळाले.

इकॉनॉमिक टाईम्सने दिलेल्या वृत्तानुसार, तृप्ती डिमरीने वांद्रे येथे 14 कोटी रुपयांचा बंगला खरेदी केला आहे. अभिनेत्रीचा हा बंगला कार्टर रोडच्या बाहेर बांधला आहे.

हा बंगला खरेदी केल्यानंतर ही अभिनेत्री आता रणबीर कपूरची शेजारी बनली आहे. याशिवाय शाहरुख खान, सलमान खान आणि रेखा यांचेही या भागात बंगले आहेत.