Anant Ambani-Radhika Merchant Wedding: आली लग्नघटिका समीप! अनंत अंबानी-राधिका मर्चंट कोणत्या पद्धतीने बांधणार लग्नगाठ?

12 जुलै हा दिवस अंबानी कुटुंबासाठी एखाद्या उत्सवापेक्षा कमी नाही. या दिवशी मुकेश अंबानी आणि नीता अंबानी यांचा धाकटा मुलगा अनंत हा राधिका मर्चंटसोबत लग्नगाठ बांधणार आहे. अंबानी कुटुंबातील प्रत्येकजण या क्षणाची आतुरतेने वाट पाहत आहे.

अनंत आणि राधिकाच्या लग्नाची पत्रिकाही समोर आली होती. या लग्नपत्रिकेत ड्रेस कोड ते लग्नाच्या वेळेशी संबंधित सर्व तपशील नमूद केले होते.

लग्नाच्या आमंत्रण पत्रिकेनुसार, अनंत आणि राधिका 12 जुलैला संध्याकाळी मुंबईतील जिओ वर्ल्ड कन्व्हेन्शन सेंटरमध्ये लग्नगाठ बांधणार आहेत. तक, शुभ आशीर्वाद सोहळा लग्नाच्या दुसऱ्या दिवशी म्हणजेच 13 जुलै रोजी पार पडणार आहे.

यानंतर 14 तारखेला अंबानी कुटुंबाने मंगल उत्सव म्हणजेच ग्रँड वेडिंग रिसेप्शनचे आयोजन केले आहे. लग्नाला येणाऱ्या पाहुण्यांना पारंपारिक भारतीय ड्रेस कोड फॉलो करावा लागणार आहे.

13 जुलै रोजी दिव्य आशीर्वाद कार्यक्रमात, पाहुणे इंडियन फॉर्मल अटायर वेअर करू शकतात. 14 जुलै रोजी रिसेप्शनमध्ये पाहुण्यांना इंडियन ड्रेस कोड फॉलो करावा लागणार आहे.

अनंत आणि राधिकाच्या लग्नाच्या विधींची सुरुवात गरबा नाईट आणि मामेरू विधीने झाली.

आता या जोडप्याचे हळदी आणि मेहंदीचे विधीही सर्व विधी पूर्ण झाले आहेत. आदल्या दिवशी म्हणजेच 10 जुलै रोजी अंबानी परिवाराने त्यांच्या घरी शिवशक्ती पूजेचे आयोजन केले होते.