बी- टाऊनमधील सर्वाधिक श्रीमंत जोड्यांच्या यादीत सोनम कपूर, आनंद अहूजाचा समावेश

इथं मुख्य बाब अशी, की फार कमी यशस्वी चित्रपट हाताशी असतानाही सोनम कपूर, ही फॅशन विश्वात तितकीच प्रकाशझोतात असते. तर, तिचा पती व्यवसाय क्षेत्रात वेगळ्याच यशशिखरावर पोहोचला आहे. त्यामुळं या सेलिब्रिटी जोडीचा अनेकांनाच हेवा वाटतो.

काम, व्यवसाय, कलाक्षेत्रावर लक्ष केंद्रीत करणारी ही जोडी आंतरराष्ट्रीय स्तरावरही तितकीच लोकप्रिय आहे.

एकिकडे सोनमचा पती, आनंद मुंबईत कामाच्या निमित्तानं सतत ये-जा करत असतो. तर, सोनम लंडन आणि दिल्लीमध्ये जास्त वेळा दिसते.

सोनम आणि आनंद एकमेकांच्या कुटुंबीयांनाच जास्त वेळ देत असल्यामुळं त्यांना एकमेकांसमवेत वेळ व्यतीत करण्याची संधी तशी कमीच मिळते. पण, तरीही ही जोडी सातत्यानं सर्वांनाच #CoupleGoals देत असते.

2018 मध्ये सोनम कपूर आणि आनंद अहूजा विवाहबंधनात अडकले होते. लग्नाआधीपासूनच फार वर्षांपासून हे दोघं एकमेकांना ओळखत होते.

सोनम आणि आनंद दर वर्षी 3 हजार कोटी रुपयांहूनही अधिकची कमाई करतात. ज्यामुळं ते बी- टाऊनमधील सर्वाधिक यशस्वी सेलिब्रिटी कपल ठरत आहेत.

अनेक संकेतस्थळांच्या वृत्तानुसार सोनम आणि आनंदचं वार्षिक उत्पन्न USD 450 मिलियन इतरं आहे. भारतीय चलनानुसार हा आकडा 3 हजार कोटींपर्यंत जातो.

अभिनेत्री सोनम कपूर आणि तिचा पती, आनंद अहूजा खऱ्या अर्थानं बी- टाऊनमधील स्टार कपल ठरत आहे. फक्त कलाविश्व आणि सोशल मीडियापुरतंच नव्हे, तर व्यवसाय क्षेत्रातही ही जोडी अनेकांचं लक्ष वेधत आहे.