Adinath Kothare: गुन्ह्याचं रहस्यजाल भेदण्यासाठी येतोय महाराष्ट्राचा डिटेक्टिव्ह! आदिनाथ कोठारेचा डॅशिंग लूक पाहिलात?

कोठारे आडनावातच एकतरी डिटेक्टिव्ह भूमिका असते असं म्हणायला हरकत नाही. अशीच एक आगळी वेगळी भूमिका घेऊन तो प्रेक्षकांसमोर येतोय.

Adinath Kothare

मराठी चित्रपटसृष्टीतील लोकप्रिय अभिनेता-निर्माता आदिनाथ कोठारे आता एका नव्या आणि वेगळ्या भूमिकेत प्रेक्षकांच्या भेटीला येणार आहे.

‘डिटेक्टिव्ह धनंजय’ या आगामी वेब सीरिजमध्ये तो पहिल्यांदाच डिटेक्टिव्हच्या भूमिकेत दिसणार असून, त्याच्या या लूकची सध्या जोरदार चर्चा रंगली आहे.

या सीरिजमध्ये आदिनाथचा स्टायलिश आणि इंटेन्स अंदाज पाहायला मिळणार आहे.

समोर आलेल्या त्याच्या लूकमध्ये रहस्य, आत्मविश्वास स्पष्ट दिसते.

गुन्ह्याचं रहस्यजाल भेदण्यासाठी येतोय महाराष्ट्राचा डिटेक्टिव्ह! असं caption पोस्ट केलेल्या या नव्या अवतारामुळे प्रेक्षकांमध्ये उत्सुकता वाढली असून, त्याचा हा प्रयोग किती यशस्वी ठरेल, याकडे सगळ्यांचे लक्ष लागले आहे.