In Pics : आर्थिक अडचणीत सापडली श्रृती हसन, म्हणते लॉकडाऊनचे नियम शिथिल होताच..

दाक्षिणात्य कलाविश्वासोबतच अभिनेत्री श्रुती हसन हिनं हिंदी चित्रपट जगतातही लोकप्रियता मिळवली आहे. असं असलं तरीही आता मात्र तिला काहीशा आव्हानात्मक परिस्थितीचा सामना करावा लागत आहे. कोरोना काळातील लॉकडाऊनचा फटका आता या अभिनेत्रीलाही बसला आहे, ज्यामुळं ती आर्थिक अडचणीत असल्याचं म्हटलं जातंय.

हिंदुस्तान टाईम्सशी संवाद साधताना तिनं सद्यपरिस्थितीबाबत वक्तव्य केलं. मी स्वत:ला घरात डांबून ठेवून कोरोनाचा प्रादुर्भाव केव्हा संपतो याची वाट पाहत बसू शकत नाही. मास्कशिवाय सेटवर वावरायलाही भीती वाटते, असं ती म्हणाली.

आपल्यालाही कामावर जावंच लागणार आहे, कारण इतरांप्रमाणेच मीसुद्धा आर्थिक अडचणीचा सामना करत आहे, असं श्रुती म्हणाली. जेव्हा केव्हा चित्रीकरणाला सशर्त सुरुवात होईल तेव्हा मला जावंच लागणार आहे, कारण माझं बरंच काम अडून राहिलं आहे असं म्हणत तिनं आपल्या कामाप्रतीची चिंता व्यक्त केली.

कुटुंबात प्रत्येक जण आपआपल्या परिनं कमाई करत असल्याचं म्हणत तिनं आपल्यालाही बिलं आणि इतर खर्चासाठी पैशांची गरज लागतेच ज्यासाठीच कामावर परतावं लागणार आबे अशी वस्तुस्थिती सर्वांसमोर ठेवली.

आपण एक स्वतंत्र व्यक्तिमत्त्वं असल्याचं सांगत आपल्या खर्चासाठी आईवडिलांची मदत घेतली जाऊ शकत नसल्याचं म्हणत आपण जीवनातील अनेक निर्णय स्वत:च घेत असल्याचं ती म्हणाली.

कोरोना काळाच्या आधी एका घराची खरेदी केलल्या श्रुतीला आता त्या खराचे हप्ते भरण्यासाठी आर्थिक पाठबळाची गरज आहे. त्यामुळं आता आपल्या आर्थिक गरजा पूर्ण करण्यासाठी ही अभिनेत्री प्राधान्य देताना दिसत आहे.