बॉलिवूडकरांची दिवाळी; फोटो शेअर करत चाहत्यांना दिल्या शुभेच्छा!

देशभरात दिवाळी साजरी करण्यात येत आहे. अशातच बॉलिवूड सेलिब्रिटींनीही साधपेणाने पण उत्साहात दिवाळी साजरी केली. पाहुयात सेलिब्रिटींच्या दिवाळी सेलिब्रेशनचे काही फोटो...

दिवाळीनिमित्त भूमी पेडणेकरनेही काही फोटो शेअर केले आहेत. तिने दिवाळीच्या निमित्ताने आपल्या आईची साडी नेसली आहे. हा फोटो शेअर करत भूमीने लिहिलं आहे की, 'तुम्हा सर्वांना आणि तुमच्या कुटुंबियांना दिवाळीच्या खूप खूप शुभेच्छा. आज आईची साडी नेसली आहे.'

तापसी पन्नूनेही चाहत्यांना दिवाळीच्या शुभेच्छा दिल्या आहेत. तिने एक फोटो शेअर केला आहे. हा फोटो शेअर करत तिने 'दिवाळीची तयारी' असं कॅप्शन दिलं आहे.

बॉलिवूड अभिनेत्री करिना कपूर खानने एक जीआयएफ शेअर केला आहे. ज्यामध्ये ती, सैफ अली खान आणि तैमूर अली खानसोबत दिसत आहे.

अभिनेत्री आलिया भट्टनेही आपला फोटो शेअर केला आहे. फोटो शेअर करताना तिने लिहिलं आहे की, ''या दिवाळीत काही वेगळं करायचं होतं. त्यामुळे यावेळी मी वेगळा लूक ट्राय केला. हा लेहेंगा अनेक अद्भूत लोकांच्या कष्टाचं प्रतिक आहेत. तुम्हा सर्वांना दिवाळीच्या खूप-खूप शुभेच्छा.'

सारा अली खाननेही आपला फोटो शेअर केला आहे.

बॉलिवूड अभिनेता विक्की कौशलने आपल्या फॅन्सना दिवाळीच्या शुभेच्छा दिल्या आहेत. त्याने शुभेच्छा देताना म्हटलं आहे की, 'दिवाळीच्या सर्वांना शुभेच्छा! सर्वांना प्रेम आणि आनंद मिळो.' त्याचसोबत सर्वांना नमस्कार करतानाचा फोटो शेअर केला आहे.

बॉलिवूड अभिनेत्री कतरिना कैफने हातात पणती घेत आपला एक फोटो शेअर केला आहे. हा फोटो शेअर करत त्यांनी लिहिलं की, 'शुभ दीपावली, सर्वांना खूप शुभेच्छा.'

अभिनेत्री अनन्या पांडेनेही आपला स्टनिंग लूक शेअर केला आहे.

बॉलिवूडमधील सर्वात लोकप्रिय जोडपं दीपिका पादुकोण आणि रणवीर सिंह यांनीही आपल्या फॅन्सना दिवाळीच्या शुभेच्छा दिल्या आहेत. दीपिका आणि रणवीर दोघांनीही सारखाच फोटो आपल्या इन्स्टाग्राम अकाउंटवरून शेअर केला आहे.

दिवाळीच्या निमित्ताने जान्हवी कपूरनेही आपला एक ग्लॅमरस फोटो शेअर केला आहे.