अशोक खरात अन् नामकर्ण आवारे एकाच गाडीतून कोर्टात; 14 दिवसाची न्यायालयीन कोठडी, खरातला ईडी ताब्यात घेणार

नाशिकमधील लैंगिक अत्याचारातील आरोपी भोंदू अशोक खरातला आज पुन्हा एकदा सिन्नरमधील न्यायालयात हजर करण्यात आले. खरातसोबतच पतसंस्थेचा संचालक नामकर्ण आवारेही न्यायालयात हजर केला होता

Ashok kharat and namkarna aware MCR

नाशिकमधील लैंगिक अत्याचारातील आरोपी भोंदू अशोक खरातला आज पुन्हा एकदा सिन्नरमधील न्यायालयात हजर करण्यात आले. खरातसोबतच पतसंस्थेचा संचालक नामकर्ण आवारेही न्यायालयात हजर केला होता

विशेष म्हणजे पंतसंस्थेतील आर्थिक व्यवहार प्रकरणात दोघांची पोलीस कोठडी संपल्यानंतर, आज एकाच वाहनातून दोघांनाही न्यायालयात हजर करण्यात आले होते.

आर्थिक व्यवहार संबंधित हा गुन्हा आहे, खरातचं प्रकरण आणि आवारे हे दोघे वेगळे प्रकरण आहे. तपासाच्या अनुषंगाने सर्व माहिती तपास यंत्रणांसोबत दिली गेली आहे

नामकर्ण आवारेंना आधी पाच दिवसांची पोलीस कोठडी दिली होती, पुन्हा आवश्यकता नाही असा युक्तिवाद आवारेच्या वकिलांनी न्यायालयात केला होता. अशोक खरात आणि नामकर्ण आवारे ह्या दोघांची पाच दिवसांची पोलीस कोठडी मागण्यात आली होती.

जमीन घोटाळा प्रकरणात भोंदू अशोक खरात आणि नामकर्ण आवारे यांना सिन्नरच्या सत्र न्यायालायने 14 दिवसांची न्यायालयीन कोठडी सुनावणी. त्यामुळे, दोघांचा मुक्काम न्यायालयीन कोठडीत होईल.

दरम्यान, याप्रकरणात अशोक खरातची ईडी चौकशी सुरू असल्याने ED ने अशोक खरातचा ताबा घेण्याचा मार्ग मोकळा झाला आहे, त्यामुळे खरातला ईडीकडून ताब्यात घेतले जाईल.

ईडीकडून अशोक खरातचा ताबा मिळवण्यासाठी कोर्टाकडे अर्ज करण्यात आल्याची माहिती आहे.

नाशिकच्या सिन्नर पोलिसात दाखल असलेल्या आर्थिक फसवणुकी प्रकरणी पोलीस कोठडी संपल्यानंतर आरोपी अशोक खरात आणि नामकर्ण आवारेला आज कोर्टात हजर करण्यात आले होते.