Income Tax Return : आयटीआर भरण्यापूर्वी ही कागदपत्रे तयार ठेवा, कर भरण्यात कोणतीही अडचण येणार नाही!

देशातील नागरिकांना त्यांच्या उत्पन्नाचा काही भाग आयकराच्या स्वरूपात सरकारला द्यावा लागतो. प्राप्तिकराचा बोजा प्रत्येक पगारदार वर्गावर आहे. त्यांना दरवर्षी टॅक्स रिटर्न भरावे लागते. त्यामुळे अनेक वेळा करदात्यांनाही ताण येतो.

हे टाळण्यासाठी, पगारदार वर्गातील लोकांनी कर भरणे सुरू करण्यापूर्वी सर्व आवश्यक तपशीलांचे दस्तऐवज तयार करणे आवश्यक आहे. यामुळे कर भरण्याची संपूर्ण प्रक्रिया अधिक सुलभ होईल.

जर एखाद्या करदात्याने नोकरी बदलली असेल तर त्याच्यासाठी फॉर्म 16 खूप महत्त्वाचा आहे.

फॉर्म 16 मध्ये, व्यक्ती ज्यासाठी दावा करू शकतो त्या सर्व डिडक्शनसह कमावलेल्या उत्पन्नाचे सर्व तपशील मिळतील. या फॉर्ममध्ये, व्यक्तीला त्याच्या पगारासाठी केलेल्या सर्व टॅक्स डिडक्शन अॅट सोर्स (TDS) चे तपशील देखील मिळतात.

अनेक लोकांच्या बँकांमध्ये ठेवी आणि इतर गुंतवणूक आहेत जिथून काही उत्पन्न मिळते. हे आयकर रिटर्नमध्ये दाखवावे लागेल आणि हे तपशील मिळवण्याचा सर्वोत्तम मार्ग म्हणजे व्याज प्रमाणपत्र (इंट्रेस्ट सर्टिफिकेट ) घेणे.

यामुळे गोष्टी सुलभ होतात, कारण त्यात बचत बँकेचे व्याज आणि ठेवींवर मिळणाऱ्या इतर व्याजाचे विभाजन होईल. त्यामुळे ते बरोबर दाखवता येते. बचत बँक खात्यावर मिळणाऱ्या व्याजावर वार्षिक 10,000 रुपयांपर्यंत कपात केली जाते, म्हणून त्यावर दावा केला पाहिजे.

प्रत्येक व्यक्तीचे अनेक प्रकारचे उत्पन्न असू शकते. यामध्ये म्युच्युअल फंड किंवा डायरेक्ट इक्विटी यांसारख्या काही गुंतवणुकीतून मिळणारा लाभांश यासारख्या गोष्टींचा समावेश असू शकतो.या उत्पन्नावरील एकूण उत्पन्न आणि टीडीएस जाणून घेण्यासाठी कंपनी किंवा म्युच्युअल फंडाची माहिती आवश्यक आहे.

ज्या लोकांकडे हाऊसिंग लोन आहे आणि त्या अंतर्गत लाभांचा दावा करणार आहेत त्यांनी त्यांच्या बँक किंवा वित्तीय संस्थेकडून गृहकर्जावरील व्याज आणि भांडवली परतफेड प्रमाणपत्र सोबत ठेवावे.

वार्षिक माहिती विधान (एनुअल इंफॉर्मेशन स्टेटमेंट) सोबत ठेवणे गरजेचे आहे. (सर्व फोटो सौजन्य :unsplash.com)