Gold Rate Today : सोन्याचे दरात किरकोळ वाढ, तर चांदीचे दर किंचित कमी, वाचा आजचे दर

जागतिक बाजारातील डॉलरच्या संख्येत झालेली घट आणि चीनमधील वाढता कोरोना संसर्ग यामुळे सोन्या-चांदीचे दर वाढले आहेत.

तसेच, जागतिक मंदीची भीती म्हणून अनेकजण सोन्या-चांदीमध्ये गुंतवणूक करतात. मात्र, मौल्यवान धातूंच्या किंमती वाढल्यामुळे सोन्यामध्ये गुंतवणूक करणेही ग्राहकांना कठीण झाले आहे.

सुवर्णनगरी जळगावातही सोन्या-चांदीच्या दराने उच्चांक पातळी गाठली आहे. या ठिकाणी सोन्याचा दर 58 हजारांच्याही पुढे गेला आहे.

आज बुलियन्सच्या वेबसाईटनुसार, 24 कॅरेट सोन्याचा दर 56,830 रुपये आहे. तर, 22 कॅरेट सोन्याचा दर 52,094 रुपये आहे.

आज चांदीचे दर काहीसे कमी झाले आहे. एक किलो चांदीचा दर 68,630 रुपयांवर व्यवहार करत आहे.

लग्नसराईचासुद्धा काळ असल्यामुळे अनेक ग्राहकांना भारदस्त सोनं खरेदी करताना मुरड घालावी लागतेय.

सोन्याचे दर वाढल्यामुळे ग्राहकांनी वेट अॅन्ड वॉचची भूमिका घेतली आहे.

BIS CARE APP द्वारे तुम्ही कोणत्याही हॉलमार्क केलेल्या दागिन्यांची शुद्धता सहज तपासू शकता. याद्वारे तुम्ही दागिन्यांचा HUID क्रमांक 'verify HUID' द्वारे तपासू शकता.

इंडियन बुलियन अॅण्ड ज्वेलर्स असोसिएशनच्या मते, तुम्ही 8955664433 या क्रमांकावर मिस कॉल देऊन किंमत तपासू शकता.