आपल्यापेक्षा वयाने मोठे असणाऱ्या अभिनेत्याच्या आईची भूमिका साकारणाऱ्या अभिनेत्री

बॉलिवूडमध्ये काहीही शक्य आहे. या क्षेत्रात अशा बर्‍याच अभिनेत्री आहेत ज्यांनी स्वत: च्या वयाच्या किंवा त्यापेक्षा मोठ्या वयाच्या कलाकारांच्या आईची भूमिका साकारली आहे. आश्चर्यचकित होऊ नका. होय असे बरेच चित्रपट आहेत ज्यात आईची भूमिका साकारणारी अभिनेत्री ही अभिनेता मुलापेक्षा वयाने लहान होती.

नरगिस दत्त : दिग्गज अभिनेत्री नरगिसने मदर इंडिया (1957) चित्रपटात सुनील दत्त आणि राजेंद्र कुमार यांच्या आईची भूमिका केली होती. त्यावेळी नरगिस 28 वर्षांची होती. त्यावेळी सुनील दत्त आणि राजेंद्र कुमारही 28 वर्षांचे होते, म्हणजेच तिघेही एकाच वयाचे होते. या चित्रपटानंतर नर्गिस आणि सुनील दत्तचे लग्न झाले.