PHOTO | सुशांत सिंह राजपूत 'या' डायलॉग्समुळे नेहमी आठवणीत राहील

सुशांत सिंह राजपूतने वांद्र्यातील घरी गळफास घेऊन आत्महत्या केली. त्याच्या आत्महत्येचं कारण अद्याप समोर आलेलं नाही मात्र सुशांतच्या अशा जाण्याने अनेकांना धक्का बसला आहे.

सुशांत सिंह राजपूतने क्रिकेटर महेंद्र सिंह धोनी याच्या जीवनावर आधारीत, एमएस धोनी- द अनटोल्ड स्टोरी सिनेमात धोनीची भूमिका साकारली होती. सिनेमातील त्याच्या अभिनयाबद्दल त्याचं खूप कौतुक झालं होतं.

काही महिन्यांपूर्वीच रिलीज झालेल्या छिचोरे सिनेमातील त्याच्या अभिनयाने त्याने प्रेक्षकांची मनं जिंकली होती.

सुशांतचा टीव्ही ते बॉलिवूडपर्यंतचा प्रवास अनेकांसाठी प्रेरणादायी होता. खूप मेहनतीने त्याने बॉलिवूडमध्ये आपली स्वत:ची ओळख निर्माण केली होती.

'काय पो चे' या सिनेमातून सुशांतने आपल्या बॉलिवूडमधील कारकिर्दिला सुरुवात केली होती आणि अवघ्या वयाच्या 34 वर्षी तो हे जग सोडून गेला.