Holi Celebration 2025 : महाड शहरात देव-दानवाच्या युद्धाची अनोखी परंपरा; दोन गटांत गरम निखारे फेकून केलं जातं युद्ध

कोकणात शिमगा उत्सवाला सुरुवात झालेली आहे. या शिमग्यात कोकणात विविध ठिकाणी अनेक खेळ खेळले जातात.

असाच शिमगा कोकणात विविध प्रथा आणि वेगवेगळ्या परंपरेनुसार सुरू असतो.

त्यातीलच एक वेगळी परंपरा आणि वैशिष्ट्य म्हणजे महाडमधील देव-दानव युद्धाची ही अनोखी प्रथा.

होलिका दहन झाल्यानंतर महाडच्या गवळआळी येथे देव आणि दानव यांच्यात युद्ध खेळलं जातं.

रायगड जिल्ह्यातील महाड शहरामध्ये असणाऱ्या गवळीआळी येथे या प्रथेप्रमाणे होळी उत्सव सण साजरा केला जातो.

होळी उत्सवाच्या निमित्ताने या ठिकाणी देव-दानवाच्या युद्धाची परंपरा कायम आहे.

सर्व ग्रामस्थ होळीमधील जळती लाकडे एकमेकांच्या अंगावर फेकून ही युद्ध करतात.

ही परंपरा गेल्या अनेक वर्षांपासून येथे सुरू आहे.