Diwali 2024 : दिवाळीनंतर तब्बल 15 दिवसांनी शनीची सरळ चाल; 'या' राशींची होणार चांदी

दिवाळीनंतर काही राशींच्या लोकांवर शनीची कृपा असणार आहे. याचं कारण म्हणजे दिवाळीला शश महापुरुष राजयोग जुळून येणार आहे.

त्याचबरोबर लक्ष्मी नारायण योगदेखील जुळून येणार आहे. यामुळे काही राशींचं नशीब उजळणार आहे.

31 ऑक्टोबर पासून देशभरात दिवाळी साजरी केली जाणार आहे. त्यामुळे यंदा दिवाळीला कर्मफळदाता शनी कुंभ राशीत प्रवेश करणार आहे. त्यामुळे शश राजयोग जुळून येणार आहे.

तूळ रास - तूळ राशीच्या लोकांवर शनीची विशेष कृपा असणार आहे. या लोकांचं आरोग्य चांगलं असेल. घर किंवा संपत्तीशी संबंधित असलेला मानसिक तणाव दूर होईल.

वृश्चिक रास - दिवाळीनंतर वृश्चिक राशीच्या लोकांच्या घरात चांगली बरकत येईल. घरात सुख-शांती राहील. घरात शुभ कार्याचं आयोजन केलं जाईल. तसेच, नवीन व्यवसायात चांगली प्रगती होईल.

कर्क रास - कर्क राशीच्या लोकांची आर्थिक स्थिती चांगली असणार आहे. दिवाळीला किंवा दिवाळीनंतर तुम्हाला जर नवीन प्रॉपर्टी विकत घ्यायची असेल तर त्यासाठी हा काळ चांगला आहे.

मकर रास - मकर राशीच्या लोकांसाठी हा काळ चांगला असणार आहे. तुमच्या आरोग्यात चांगली सुधारणा दिसून येईल. व्यवसायातून चांगला लाभ मिळेल.

शनी कुंभ राशीत 25 मार्च 2025 पर्यंत असणार आहे. त्यानंतर शनी मीन राशीत संक्रमण करणार आहे.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)