Astrology : भाद्रपद पौर्णिमेच्या दिवशी बनतोय खास योग, राशीनुसार करा 'हे' उपाय, धनलाभ होईल!

कुंभ - कुंभ राशीच्या लोकांनी आज संध्याकाळी मातीच्या दिव्याला कुंकू लावावे, भगवान शंकराजवळ देशी तुपाचा दिवा लावावा. यानंतर तेथे बसून पंचाक्षरी मंत्राचा जप करावा.

मेष- भाद्रपद पौर्णिमेच्या दिवशी मेष राशीच्या लोकांनी चंद्राला दूध आणि साखरेच्या मिश्रणाचा अर्घ्य अर्पण करावा. दुधाची खीर देऊ शकता. यावर भगवान विष्णू प्रसन्न होतात.

मकर- मकर राशीच्या लोकांनी विशेषतः विद्यार्थ्यांनी या दिवशी देवी सरस्वतीचे ध्यान करावे. यासोबतच गरीब आणि गरजू मुलांना पुस्तके, खोडरबर, पेन्सिल किंवा कपडे दान करावेत.

कर्क- या राशीच्या लोकांनी भाद्रपद पौर्णिमेच्या दिवशी देवी लक्ष्मीची पूजा पूर्ण विधीपूर्वक करावी. शक्य असल्यास देवी लक्ष्मीला चांदीचा चौकोनी तुकडा अर्पण करावा. पूजा संपल्यानंतर हा तुकडा तुमच्या पर्समध्ये ठेवा.

सिंह- सिंह राशीच्या लोकांनी भाद्रपद पौर्णिमेच्या दिवशी पिंपळाच्या झाडाला जल अर्पण करावे. त्याजवळ दिवा लावून झाडाला सात वेळा प्रदक्षिणा घालावी. पौर्णिमेच्या मध्यरात्री भगवान विष्णूसह देवी लक्ष्मीची पूजा करा.

मिथुन - या राशीच्या लोकांनी या दिवशी पांढर्‍या रंगाच्या वस्तू जसे की दूध, पांढरी मिठाई, चांदी किंवा पांढरे कपडे एखाद्या गरजू व्यक्तीला दान करावे. असे केल्याने सुख-समृद्धी प्राप्त होते.

मीन- या दिवशी मीन राशीच्या लोकांनी 108 वेळा हनुमान चालिसाचे पठण करावे. असे केल्याने हनुमानजी प्रसन्न होतात आणि सर्व मनोकामना पूर्ण करतात. हनुमानजींना सिंदूर अर्पण करून गुळ-खोबऱ्याचा प्रसाद, लाल फुलांची माळ, अत्तर अर्पण करावे

धनु- आज महालक्ष्मीचे व्रत केल्यानंतर रात्री महालक्ष्मीला खीर अर्पण करावी. शक्य असल्यास पाच-सात कुमारी मुलींना खायला द्यावे. यानंतर मुलींना त्यांच्या क्षमतेनुसार दान देऊन त्यांचा आशीर्वाद घ्यावा.

तूळ- या राशीच्या लोकांनी भाद्रपद पौर्णिमेच्या दिवशी 11 किंवा 21 गोवऱ्यांवर हळदीची पेस्ट लावावी आणि देवी लक्ष्मीच्या मूर्तीसमोर ठेवावी. विधीनुसार पूजा करा. दुसऱ्या दिवशी या गोवऱ्या लाल कपड्यात बांधून तिजोरीत किंवा कपाटात ठेवाव्यात.

वृषभ- वृषभ राशीच्या लोकांनी या दिवशी लक्ष्मी स्तोत्र किंवा कनकधारा स्तोत्राचे पठण करावे. रात्री घराच्या मुख्य प्रवेशद्वारावर तुपाचा दिवा लावावा. असे केल्याने घरात लक्ष्मीचा वास होतो.

वृश्चिक- या राशीच्या लोकांनी भाद्रपद पौर्णिमेच्या दिवशी देवी लक्ष्मीला अत्तर आणि अगरबत्ती अर्पण करावी. व्यवसाय वृद्धी यंत्र किंवा श्रीयंत्र घरामध्ये किंवा व्यवसायात स्थापित केले पाहिजे आणि त्यांची पूजा योग्य प्रकारे केली पाहिजे. यामुळे देवी लक्ष्मीचा आशीर्वाद मिळतो.

कन्या - भाद्रपद पौर्णिमेच्या चंद्रोदयाच्या दिवशी कन्या राशीच्या लोकांनी कच्चे दूध, तांदूळ आणि साखर पाण्यात मिसळून चंद्राला अर्घ्य अर्पण करावे. या वेळी ओम श्रं श्रीं श्रं श्री चंद्रमसे नमः या मंत्राचा जप करत राहावे.