World Cancer Day 2023 : जगभरात दरवर्षी 4 फेब्रुवारी रोजी 'जागतिक कर्करोग दिन' (World Cancer Day) साजरा केला जातो. बदलत्या जीवनशैलीतून कॅन्सरचा विळखा आता आबालवृद्धांमध्ये जडताना दिसत आहे. दरम्यान दुर्धर आजारांपैकी एक म्हणून कॅन्सर कडे पाहण्याच्या दृष्टीमुळे या आजाराबाबत अनेकांच्या मनात भीती आहे. युनियन ऑफ इंटरनॅशनल कॅन्सर कंट्रोलने (UICC) जागतिक कर्करोग दिन हा एक "जागतिक एकत्र येण्याचा उपक्रम" म्हणून घोषित केला आहे. याचा अर्थ असा आहे की, जगभरातील व्यक्तींनी एकत्र येऊन कर्करोग रोग ओळखणे, काळजी घेणे आणि रोगाशी लढण्याचे त्यांना बळ देणे, तसेच या आजारावर मात करून पुन्हा आयुष्य नव्याने जिंकण्याची आशा बाळगणार्‍यांच्या उत्साहाला बळकटी देण्याचा देखील आहे.
या दिवसाबाबत तज्ञांचं मत आहे की, भारतात सर्वात जास्त गतीने वाढणारा हा आजार आहे. कॅन्सर होण्याचे प्रमुख कारण म्हणजे आपली बदललेली जीवनशैलीच याला कारणीभूत आहे. जागतिक कर्करोग दिवस साजरा करण्यामागचा प्रमुख उद्देश म्हणजे कॅन्सरबद्दल जागरूकता वाढविणे. तसेच, या आजाराशी लढणाऱ्या रुग्णांना नवी आशा देणे असा आहे.
कॅन्सरचं वेळीच निदान झालं तर या आजारावरही मात करता येऊ शकते. यामध्ये आज औषधोपचार आणि निदान पद्धतीमध्येही मोठे बदल झाल्याने अनेकांचं जीवन पुन्हा पूर्ववत करण्यासाठी मदत होत आहे. पण त्यासाठी रूग्णाच्या मानसिक तयारीची आणि सकारात्मक उर्जेची देखील त्याला जोड असणं आवश्यक आहे.
जागतिक कर्करोग दिनाचा इतिहास (World Cancer Day History 2023) :
4 फेब्रुवारी 2000 रोजी फ्रान्समधील पॅरिस येथे न्यू मिलेनियमसाठी जागतिक कर्करोग परिषदे दरम्यान झाली. त्याच दिवशी, युनेस्कोचे तत्कालीन महासंचालक कोइचिरो मत्सुरा आणि फ्रान्सचे माजी अध्यक्ष जॅक शिराक यांनी कॅन्सर विरुद्ध पॅरिसच्या चार्टरवर सही केली. तेव्हापासून दरवर्षी हा दिवस 'जागतिक कर्करोग दिवस' म्हणून साजरा केला जातो.
जागतिक कर्करोग दिनाचे महत्त्व (World Cancer Day Importance 2023) :
जागतिक कर्करोग दिन मोहीम जागरूकता वाढविण्याचा आणि रोगाभोवती असलेला भ्रम काढून टाकण्याचा प्रयत्न करते. रोगासंबंधित आजार आणि मृत्यूचे प्रमाण कमी करणे, तसेच त्यातून होणारा अनावश्यक त्रास थांबवणे हे या मोहिमेचं प्रमुख उद्दिष्ट आहे. या दिवशी जगभरात अनेक कार्यक्रमांचे आयोजन केले जाते. सध्या सोशल मिडीयाच्या माध्यमातूनही या दिनाची मोठ्या प्रमाणात जागृती करण्यात येते.
महत्त्वाच्या बातम्या :