Walmart : वॉलमार्ट कंपनी 1500 कर्मचाऱ्यांना कामावरून हटवणार

Walmart : वॉलमार्ट कंपनी सुमारे 1500 कर्मचाऱ्यांना कामावरून हटवणार आहे. वॉलमार्ट कंपनीने रॉयटर्सला दिलेल्या माहितीनुसार कंपनी सुमारे 1500 कर्मचाऱ्यांना कामावरून हटवणार आहे.

Walmart to lay off about 1500 workers

Walmart : वॉलमार्ट कंपनी (Walmart) सुमारे 1500 कर्मचाऱ्यांना कामावरून हटवणार आहे. वॉलमार्ट कंपनीने रॉयटर्सला दिलेल्या माहितीनुसार कंपनी सुमारे 1500 कर्मचाऱ्यांना कामावरून हटवणार आहे. अमेरिकेतील सर्वात मोठी किरकोळ विक्रेता असलेल्या वॉलमार्ट कंपनीने बुधवारी ही माहिती दिली आहे. वॉलमार्ट कंपनी अटलांटातील जॉर्जिया येथील फुल्टन पार्कवेमध्ये असणाऱ्या ऑफिसमधून सुमारे 1500 कामगारांना कमी करणार आहे. वॉलमार्ट कंपनीने कर्मचाऱ्यांना ऑगस्ट महिन्यामध्ये याबाबत माहिती दिली आहे. 

वॉलमार्टचे प्रवक्ते स्कॉट पोप यांनी सांगितलं की, 'वाढत्या ऑनलाईन वॉलमार्ट फुलफिलमेंट सर्व्हिसेस (WFS) व्यवसायाला पाठिंबा देण्यासाठी फुल्टन पार्कवेवरील ऑफीसमध्ये बदल करण्यात येत आहेत. याचाच एक भाग म्हणून इमारतीतील सोयीसुविधा लक्षात घेता त्या पूर्ण करण्यासाठी अधिक जागा लागेल. या गरजा पूर्ण करण्यासाठी पायाभूत सुविधा, प्रक्रिया, कर्मचारी आवश्यकता याबाबत कंपनी गांभीर्याने विचार करत आहे. त्यामुळे कंपनी या ऑफीसमधील सुमारे 1500 कर्मचारी कमी करण्याच्या तयारीत आहे.'

अमेरिकेतील कामगार कायद्याद्वारे कर्मचाऱ्यांना कामावरून कमी करण्याआधी पूर्वसूचना देणे आहे. कोणतीही कंपनी 100 किंवा अधिक कर्मचाऱ्यांना कामावरून हटवणार असेल. तर त्याआधी 60 दिवस कंपनीने कर्मचाऱ्यांना आगाऊ सूचना देणे आवश्यक आहे. वॉलमार्ट कंपनीने या पार्श्वभूमीवर कर्मचाऱ्यांना आगाऊ सूचना दिली आहे. कर्मचाऱ्यांना ऑगस्ट महिन्याच्या मध्यात याबाबत माहिती देण्यात आली होती.

वॉलमार्ट कंपनी आता आधुनिकीकरणावर भर देत आहे. अटलांटा येथील वॉलमार्ट कंपनीच्या इमारतीचं रुपांतर मोठ्या वेअरहाऊसमध्ये करण्यात येणार आहे. ऑनलाइन व्यवसायाला अधिक चालना देण्यासाठी हा बदल आवश्यक असल्याचं कंपनीने सांगितलं आहे. इमारतीमधील ऑफीसचं रुपांतर गोडाऊनमध्ये केल्यावर ऑफीससाठी कमी जागा ठेवण्यात येईल. परिणामी इमारतीतील कर्मचाऱ्यांची संख्या कमी करावी लागेल. त्यामुळे कंपनी सुमारे 1500 कर्मचाऱ्यांना हटवणार आहे. 

वॉलमार्ट कंपनी जॉर्जिया राज्यात 70,000 हून अधिक कामगारांना रोजगाराची संधी देते. वॉलमार्ट सध्या वॉलमार्ट फुलफिलमेंट सर्व्हिसेस (WFS) द्वारे पूर्णपणे ऑनलाईन कामकाजासाठी प्रयत्न करत आहे. त्यामुळे कंपनी मनुष्यबळ कमी करत आहे. वॉलमार्टचे प्रवक्ते स्कॉट पोप यांनी सांगितलं की, 'कंपनी कर्मचाऱ्यांना नवीन नोकरी शोधण्यासाठी प्रयत्न करत आहे. काही कर्मचार्‍यांना इतर वॉलमार्ट स्टोअर आणि भागींदारांमार्फत नोकरीची संधी देण्यात आली आहे.

महत्त्वाच्या इतर बातम्या