बराक ओबामांकडून मराठमोळ्या राहुल तेंडुलकरचं कौतुक, कोण आहेत राहुल?

US Election 2020 : निवडणूक प्रक्रियेत अमेरिकेतील भारतीय लोकांचा सहभाग देखील महत्वाचा ठरत आहे. अशाच एका भारतीयाचं कौतुक अमेरिकेचे माजी राष्ट्रपती बराक ओबामा यांनी केलं आहे. राहुल तेंडुलकर असं या मराठमोळ्या व्यक्तिचं नाव आहे, ज्याचं कौतुक खुद्द ओबामांनी केलं आहे.

वॉशिंग्टन : अमेरिकेत नवीन राष्ट्रपतीपदासाठी निवडणूक सुरु आहे. रिपब्लिकनचे उमेदवार डोनाल्ड ट्रम्प दुसऱ्यांदा बाजी मारणार की डेमोक्रेटचे जो बिडेन जिंकणार याकडे अख्ख्या जगाचे लक्ष लागले आहे. या निवडणूक प्रक्रियेत अमेरिकेतील भारतीय लोकांचा सहभाग देखील महत्वाचा ठरत आहे. अशाच एका भारतीयाचं कौतुक अमेरिकेचे माजी राष्ट्रपती बराक ओबामा यांनी केलं आहे. राहुल तेंडुलकर असं या मराठमोळ्या व्यक्तिचं नाव आहे, ज्याचं कौतुक खुद्द ओबामांनी केलं आहे.

राहुल तेंडुलकर यांनी एक ट्वीट केलं आहे ज्यात ते म्हणतात की, पहिल्यांदाच मतदान प्रक्रियेतील कर्मचाऱ्यांनी दुपारच्या जेवणाच्या आधी 125 लोकांना मतदान करण्यास मदत केली.

This first time poll worker helped 125 people vote before lunch. #MaskUpAndVote pic.twitter.com/apGtlzghS6

— Rahul Tendulkar (@RTendulkarMD) November 3, 2020

यावर प्रतिक्रिया देताना बराक ओबामांनी म्हटलं आहे की, राहुल, आपण आज लोकशाहीच्या कामात मदत करत आहात. धन्यवाद.

Rahul, you're helping make democracy work today. Thank you. https://t.co/wOtcgc8zHh

— Barack Obama (@BarackObama) November 4, 2020

राहुल तेंडुलकर हे रेडिएशन ऑन्कोलॉजिस्ट आहेत. ते रेसिडेन्सी प्रोग्राम डायरेक्टर तसेच क्लिनिकल डायरेक्टर आहेत. ते क्लीव्हलँड क्लिनिकमध्ये संशोधक आहेत.

इलेक्टोरल मतदानामध्ये डेमोक्रेटचे उमेदवार बायडन आघाडीवर

अमेरिकेत नवीन राष्ट्रपतीपदासाठी मतगणना सुरु आहे. आतापर्यंत 50 पैकी 22 राज्यांचे निकाल हाती आले असून 12 राज्यांमध्ये ट्रम्प तर 10 राज्यांमध्ये बायडन यांनी विजय मिळवला आहे. तर इलेक्टोरल मतदानामध्ये डेमोक्रेटचे उमेदवार बायडन हे ट्रम्प यांच्या पुढे आहेत. जो बायडन यांना आतापर्यंत 129 तर ट्रम्प यांना 94 इलेक्टोरल मतं मिळाली आहेत. अमेरिकेत एकूण इलेक्टर्सची संख्या 538 आहे आणि बहुमतासाठी 270 चा आकडा गाठायचा आहे.  मतगणनेच्या पार्श्वभूमीवर व्हाईट हाऊसची सुरक्षा वाढवली आहे. या ठिकाणी कडक सुरक्षेची व्यवस्था केली आहे.

अमेरिकेत नवी राष्ट्रपतीपदाच्या निवडणुकीत रिपब्लिकनचे उमेदवार डोनाल्ड ट्रम्प दुसऱ्यांदा बाजी मारणार की डेमोक्रेटचे जो बिडेन जिंकणार याकडे अख्ख्या जगाचे लक्ष लागले आहे. यातच ट्रम्प यांनी ट्वीट करत आपणच जिंकणार असल्याचा दावा केला आहे.

माझ्यासाठी जिंकणं सोपं, हार पचवणं कठिण- ट्रम्प अमेरिकेच्या लोकांना धन्यवाद देत ट्रम्प यांनी ट्वीट केलं आहे की, आम्ही संपूर्ण देशात चांगल्या स्थितीत आहोत. अमेरिकेत वोटिंग सुरु आहे. सर्वांनी मतदान करावं. माझ्यासाठी जिंकणं सोपं आहे मात्र हार पचवणं कठिण आहे, असं त्यांनी म्हटलंय.

पुढील वर्ष सर्वात महान इकॉनॉमी वर्ष असेल आधी डोनाल्ड ट्रम्प यांनी ट्वीट करत दावा केला होता की, त्यांच्या सरकारच्या काळात अमेरिकेची अर्थव्यवस्था 33.1 टक्क्यांनी सर्वात वेगाने वाढली आहे. ते म्हणाले की, अमेरिकेच्या इतिहासात पुढील वर्ष सर्वात महान इकॉनॉमी वर्ष असेल.

विक्रमी मतदान अमेरिकेत यंदा राष्टपदीपदासाठी विक्रमी मतदान झालं आहे.  मीडिया रिपोर्ट्सनुसार, अमेरिकेतील ओरेगन हे पाचवं राज्य आहे, जिथं 2016 च्या निवडणुकीपेक्षा अधिक मतदान झालं आहे. यावेळी 10 कोटी अमेरिकन नागरिकांनी निवडणुकीआधीच पोस्टल मतदानाद्वारे आपलं मतदान केलं होतं. यामुळं यंदा विक्रमी मतदान झालं असल्याचा अंदाज आहे. रिपब्लिकनचे उमेदवार डोनाल्ड ट्रंप दुसऱ्यांदा जिंकणार की डेमोक्रेटचे उमेदवार जो बायडन बाजी मारणार याकडे सर्वांचे लक्ष लागून आहे. अमेरिकेतील सर्व 50 राज्‍यांमध्ये सोबतच निवडणूक पार पडत आहे. जवळपास 24 कोटी मतदाता मतदानाचा हक्क बजावणार आहेत.