Sri Lanka protest : आंदोलक आक्रमक, श्रीलंकेचे पंतप्रधान रानिल विक्रमसिंघे यांचे खासगी घर पेटवले
Ranil Wickremesinghe : श्रीलंकेतील आंदोलनाला हिंसक वळण लागलं असून आंदोलकांनी पंतप्रधान रानिल विक्रमसिंघे यांच्या खासगी मालकीच्या घराला आग लावली आहे.
कोलंबो: श्रीलंकेतील आंदोलनाला आता हिंसक वळण लागलं असून आंदोलकांनी पंतप्रधान रानिल विक्रमसिंघे यांच्या खासगी मालकीच्या घराची तोडफोड केली आणि त्याला आग लावली आहे. गोताबाया सरकारने राजीनामा द्यावा या मागणीसाठी श्रीलंकेतील नागरिक रस्त्यावर उतरले असून त्यांनी मोठं आंदोलन सुरू केलं आहे.
#WATCH | Sri Lanka: Amid massive unrest in the country, protestors set ablaze the private residence of Sri Lankan PM Ranil Wickremesinghe#SriLankaCrisis pic.twitter.com/BDkyScWpui
— ANI (@ANI) July 9, 2022
आंदोलकांना पंतप्रधान रानिल विक्रमसिंघे यांच्या खासगी मालकीच्या घरामध्ये प्रवेश केला आणि त्या ठिकाणी मोठ्या प्रमाणात तोडफोड केली. नंतर या घराला त्यांनी आग लावली. तसेच या परिसरातील गाड्यांचं नुकसान केलं.
गेल्या काही महिन्यांपासून श्रीलंकेमध्ये आर्थिक परिस्थिती हाताबाहेर गेली असून देश मोठ्या संकटाला तोंड देत आहे. महागाईने उच्चांक गाठला असून देशावर कर्जाचा भलामोठा डोंगर उभा राहिला आहे. देशात अन्नधान्याचा मोठा तुडवडा निर्माण झाला असून त्यामुळे सामान्य नागरिक हैराण झाल्याचं चित्र आहे. त्यामुळे सत्तेत असलेल्या गोताबाया सरकारविरोधात जनक्षोभाचा भडका उडाला असून याला आता हिंसक वळण लागलं आहे.
रानिल विक्रमसिंघे यांनी मे महिन्यामध्ये पंतप्रधान पदाची धुरा हाती घेतली होती. त्यांनी आता पंतप्रधानपदाचा राजीनामा देत असल्याचं जाहीर केलं आहे.
To ensure the continuation of the Government including the safety of all citizens I accept the best recommendation of the Party Leaders today, to make way for an All-Party Government.
— Ranil Wickremesinghe (@RW_UNP) July 9, 2022
To facilitate this I will resign as Prime Minister.
पंतप्रधान कार्यालयाने नागरिक आणि सुरक्षा कर्मचारी, दोघांनाही संयम राखण्याचं आणि शांतता ठेवण्याचं आवाहन केलं आहे.
Before You Go
Kishori Pednekar On Kangana Ranuat : 'ती' घाणेरडी नटी, कुत्री सोडायची आणि भो भो करायला लावायचं
महत्त्वाच्या बातम्या
