26/11 हल्ल्याप्रकरणी दोन पाकिस्तानी अधिकाऱ्यांविरोधात वॉरंट जारी

तपासादरम्यान आरोपी डेव्हिड हेडलीने दोन पाकिस्तानी लष्करी अधिकाऱ्यांची नावं घेतली होती. या अधिकाऱ्यांविरोधात अखेर वॉरंट बजावण्यात आलं आहे.

मुंबई : 26/11 च्या दहशतवादी हल्लाप्रकरणी मुंबईतील सत्र न्यायालयाने पाकिस्तानच्या 2 लष्करी अधिकाऱ्यांविरोधात अजामीनपात्र अटक वॉरंट बजावलं आहे. तपासादरम्यान आरोपी डेव्हिड हेडलीने दोन पाकिस्तानी लष्करी अधिकाऱ्यांची नावं घेतली होती. या अधिकाऱ्यांविरोधात अखेर वॉरंट बजावण्यात आलं आहे. उद्धव ठाकरेंनाही अमेरिकेला बोलावण्याचा प्लॅन होता : हेडली मुंबईवरील 26/11 हल्ला प्रकरणात पाकिस्तानी वंशाचा अमेरिकन नागरिक आणि लष्कर ए तोयबाचा अधिकारी डेविड कोलमन हेडलीला अमेरिकेत अटक झाली होती. तपासादरम्यान त्याने पाकिस्तानी लष्करी अधिकारी मेजर अब्दुल रहमान पाशा आणि मेजर इक्बाल अशी नावं घेतली होती. तसंच साजीद मीर नावाच्या पाकिस्तानी इसमाचंही नाव तपासात पुढे आलं होतं. लष्कर-ए-तोयबाने बाळासाहेबांवर हल्ल्याचा प्रयत्न केला होता : हेडली डेव्हिड कोलमन हेडलीने यापूर्वीही अनेक गौप्यस्फोट केले आहेत. यात बाळासाहेब ठाकरे आणि शिवसेना भवन टार्गेटवर असल्याची कबुली त्याने दिली होती. यासाठी राजाराम रेगेंशी मैत्री केली आणि शिवसेना भवनात प्रवेश केल्याचा दावाही त्याने केला. तसंच इशरत जहाँ लष्कर ए तोयबाची हस्तक होती असा गौप्यस्फोटही त्याने केला होता.

संबंधित बातम्या

हेडलीने राजाराम रेगेंचं, तर रेगेंनी विलास वरदचं नाव घेतलं..

कसाबच्या हातातील गंडा-धाग्याचं रहस्य हेडलीने उलगडलं

राजाराम रेगेंच्या मदतीने सेना भवनात घुसलो : हेडली

हेडलीकडून जबरदस्तीनं इशरतचं नाव वदवून घेतलं: आव्हाड

इशरत पाकिस्तानी अतिरेक्यांसह काय करत होती?: डी जी वंझारा

इशरत लष्कर ए तय्यबाची हस्तक, हेडलीची पुन्हा कबुली !

भारतात हल्ल्यासाठी लष्कर, आयएसआयनं पुरवला पैसा: हेडली