कुलभूषण जाधव प्रकरणावर आंतरराष्ट्रीय न्यायालयात आजपासून सुनावणी

पाकिस्तानच्या न्यायालयाने कुलभूषण जाधव यांना एप्रिल 2017 मध्ये हेरगिरीच्या आरोपाखाली फाशीची शिक्षा सुनावली आहे. भारताने कुलभूषण जाधव यांच्या शिक्षेविरोधात आंतरराष्ट्रीय न्यायालयात धाव घेतली होती. त्यानंतर आतंरराष्ट्रीय न्यायालयाने 18 मे 2017 रोजी कुलभूषण जाधव यांच्या शिक्षेला स्थगिती दिली होती.

Written By : एबीपी माझा वेब टीम | Updated at : 18 Feb 2019 03:50 PM (IST)

kulbhushan jadhav case hearings in icj from today कुलभूषण जाधव प्रकरणावर आंतरराष्ट्रीय न्यायालयात आजपासून सुनावणी

दि हेग : भारतीय नौदलाचे माजी अधिकारी कुलभूषण जाधव यांच्या प्रकरणावर आजपासून आंतरराष्ट्रीय न्यायालयात सुनावणी होणार आहे. कुलभूषण जाधव कथित हेरगिरीच्या आरोपावरुन पाकिस्तानच्या तुरुंगात कैद आहेत. आज भारत आणि पाकिस्तान आंतरराष्ट्रीय न्यायालयात आपली बाजू मांडतील.

पाकिस्तानच्या न्यायालयाने कुलभूषण जाधव यांना एप्रिल 2017 मध्ये हेरगिरीच्या आरोपाखाली फाशीची शिक्षा सुनावली आहे. भारताने कुलभूषण जाधव यांच्या शिक्षेविरोधात आंतरराष्ट्रीय न्यायालयात धाव घेतली होती. त्यानंतर आतंरराष्ट्रीय न्यायालयाने 18 मे 2017 रोजी कुलभूषण जाधव यांच्या शिक्षेला स्थगिती दिली होती.

आजपासून दि हेगमध्ये या प्रकरणावर सुनवणी होणार आहे. 18 फेब्रुवारी ते 21 फेब्रुवारीदरम्यान ही सुनावणी होणार आहे. भारताकडून ज्येष्ठ विधीज्ज्ञ हरीश साळवे आतंरराष्ट्रीय न्यायालयात भारताकडू बाजू मांडतील. 19 फेब्रुवारीला खावर कुरेशी पाकिस्तानकडून बाजू मांडतील.

त्यानंतर भारत 20 फेब्रुवारीला आपलं उत्तर देईल. त्यानंतर 21 फेब्रुवारील अखेरची सुनावणी पार पडेल. त्यानंतर एक-दोन महिन्यांनंतर या प्रकरणावर निकाल येणं अपेक्षित आहे.

संबंधित बातम्या :