French President Emmanuel Macron : फ्रान्सच्या राष्ट्राध्यक्षांना चापट मारल्याप्रकरणी दोघांना अटक, पाहा व्हिडीओ

फ्रान्सचे राष्ट्रपती इमॅन्युअल मॅक्रोन यांना एक व्यक्तीने कानशिलात लगावली होती. याप्रकरणी पोलिसांनी दोन जणांना अटक केली आहे. 

france_Presidnet

फ्रान्सचे राष्ट्राध्यक्ष इमॅन्युएल मॅक्रॉन यांना एक व्यक्तीने चापट लगावली आहे. याप्रकरणी पोलिसांनी दोन जणांना अटक केली आहे. राष्ट्रपती इमॅन्युएल मॅक्रॉन हे फ्रान्सच्या दक्षिणेकडील दौऱ्यात एका व्यक्तीने त्यांना चापट मारली होती. या घटनेचा व्हिडीओ सोशल मीडियावर व्हायरल झाला आहे. आपल्या दौऱ्यावर असताना मॅक्रॉन तेथे उपस्थित असलेल्या लोकांशी हात मिळवण्यासाठी गेले असता एका व्यक्तीने त्यांना चापट मारली.

त्यानंतर राष्ट्राध्यक्ष मॅक्रॉन यांच्या सुरक्षा पथकाने त्या व्यक्तीला लगेचच ताब्यात घेतले आणि इमॅन्युएल मॅक्रॉन यांना तेथून दूर नेले. बीएफएम टीव्ही आणि आरएमसी रेडिओनुसार या घटनेसंदर्भात दोन जणांना अटक करण्यात आली आहे.

 

🇫🇷 — VIDEO: French President Emmanuel Macron got slapped in his face during a visit in southeast France.

pic.twitter.com/LrFeoYH8aL

— Belaaz (@TheBelaaz) June 8, 2021

बीएफएम टीव्ही आणि आरएमसीने ट्विटरवर एक व्हिडीओ शेअर केला आहे. या व्हिडीओमध्ये दिसतंय की हिरव्या रंगाचा टी-शर्ट आणि मास्क घातलेल्या इसमाने राष्ट्राध्यक्षासमोर हस्तांदोलनासाठी हात पुढे केला. राष्ट्राध्यक्ष इमॅन्युएल मॅक्रॉन जवळ येताच त्याने त्यांना चापट लगावली. या घटनेनंतर मॅक्रॉन यांच्या सुरक्षेत आणखी वाढ करण्यात आली आहे.