Flydubai Cockpit Incident : 'मोठी किंमत चुकवावी लागेल'; फ्लायदुबई कॉकपिट घटनेवर इस्रायलच्या पंतप्रधानांचा इशारा, इराणचा हात असल्याचा संशय
Flydubai Incident Benjamin Netanyahu : फ्लायदुबईच्या विमानात कॉकपिटमध्ये घुसून अपघात घडवून आणण्याचा प्रयत्न करणाऱ्यांमागे असलेल्यांना सोडणार नाही, असा इशारा इस्रायलचे पंतप्रधान नेतन्याहू यांनी दिला.
मुंबई : 'फ्लायदुबई'च्या (Flydubai) विमानातील कॉकपिटमध्ये घडलेल्या धक्कादायक घटनेनंतर आंतरराष्ट्रीय स्तरावर खळबळ उडाली आहे. या गंभीर घटनेची दखल घेत इस्रायलचे पंतप्रधान बेंजामिन नेतन्याहू यांनी आपल्या अधिकृत सोशल मीडिया अकाऊंटवरून एक व्हिडीओ संदेश जारी करत अत्यंत कडक शब्दांत प्रतिक्रिया दिली आहे.
या घटनेमागे जे कोणी मास्टरमाईंड आहेत किंवा ज्यांनी या हल्लेखोराला पाठवले आहे, त्यांना याची अत्यंत मोठी किंमत मोजावी लागेल, असा थेट इशारा बेंजामिन नेतन्याहू यांनी दिला आहे.
Netanyahu Statement On Flydubai : 11 सप्टेंबरसारखी मोठी दुर्घटना टळली
नेतन्याहू यांनी आपल्या वक्तव्यात म्हटले आहे की, "तपासाची चक्रे जशी फिरत आहेत, तशी यामागील खरी माहिती समोर येत आहे. निष्णात वैमानिक आणि त्यांच्या सहकाऱ्यांनी अत्यंत धाडस दाखवत 11 सप्टेंबर (9/11) सारखी मोठी आणि भयानक घटना घडण्यापासून रोखली आहे."
तपास अधिकाऱ्यांच्या प्राथमिक अहवालानुसार, हा हल्लेखोर इस्लामी कट्टरपंथी विचारांनी प्रभावित झाला होता. विमानातील सर्व प्रवाशांसह हे विमान क्रॅश करण्याचा त्याचा उद्देश होता, असेही नेतन्याहू यांनी स्पष्ट केले.
מי ששלח את הטייס הזה ישלם מחיר כבד מאוד pic.twitter.com/C4sDXRuR2r
— Benjamin Netanyahu - בנימין נתניהו (@netanyahu) October 2, 2026
Iran Link Under Investigation : इराणचा हात असल्याचा संशय; चौकशी सुरू
हा हल्ला करण्यासाठी या दहशतवाद्याला कुणी पाठवले होते का, याचा शोध सध्या तपास यंत्रणा घेत आहेत. या घटनेमागे इराणचा (Iran) काही हात आहे का, या अंगानेही इस्रायली यंत्रणा तपास करत असल्याचे नेतन्याहू यांनी सांगितले. मात्र, कोणत्याही अंतिम निष्कर्षावर पोहोचणे सध्या घाईचे ठरेल, असेही त्यांनी नमूद केले.
दुसऱ्या बाजूला, इस्रायलचे संरक्षण मंत्री काट्झ यांनी ही घटना म्हणजे 'जिहादी दहशतवादी हल्ल्याचा' प्रयत्न असल्याचे म्हटले आहे.
UAE President Advisor On Terrorist Act : यूएईच्या सल्लागारांकडून दहशतवादी कृत्य घोषित
यापूर्वी संयुक्त अरब अमिरातीच्या (UAE) अध्यक्षांचे सल्लागार अन्वर गर्गश यांनी या घटनेला स्पष्टपणे 'दहशतवादी कृत्य' (Terrorist Act) असे संबोधले आहे. या घटनेला दहशतवादी जोड असल्याचे अधिकृतपणे मान्य करण्याची ही पहिलीच वेळ आहे.
कॅप्टन स्मित माछार यांच्या धैर्याचे कौतुक करताना गर्गश म्हणाले की, वैमानिकाने प्रसंगावधान राखत संभाव्य मोठा अपघात टाळला आणि खऱ्या अर्थाने जबाबदारी पार पाडली आहे. तसेच नागरिकांनी कोणत्याही अफवा किंवा षडयंत्राच्या सिद्धांतांवर विश्वास ठेवू नये, असे आवाहनही यूएई प्रशासनाने केले आहे.
ही बातमी वाचा:
Before You Go
Sanjay Raut News : मी सर्वोच्च न्यायालयाची माफी मागतो… संजय राऊत यांची दिलगिरी; नेमकं काय म्हणाले?
महत्त्वाच्या बातम्या
