Sri Lanka: श्रीलंकेत आर्थिक संकट आणखी बिकट; महागाई 30 टक्क्यांवर पोहोचली

Sri Lanka Crisis: गंभीर आर्थिक संकटाचा सामना करत असलेल्या श्रीलंकेतील महागाई एप्रिल महिन्यात 30 टक्क्यांच्या जवळ पोहोचली आहे.

Sri Lanka Crisis: गंभीर आर्थिक संकटाचा सामना करत असलेल्या श्रीलंकेतील महागाई एप्रिल महिन्यात 30 टक्क्यांच्या जवळ पोहोचली आहे. सध्या देशात सर्वसामान्यांनाही दैनंदिन वस्तूंची चिंता आहे. याशिवाय पेट्रोल आणि डिझेलचे दर गगनाला भिडले आहेत. श्रीलंकेच्या जनगणना आणि सांख्यिकी कार्यालयाने रविवारी एप्रिल महिन्याची महागाईची आकडेवारी जाहीर करून याबाबत माहिती दिली आहे.

मार्चमध्ये महागाईचा दर 18.7 टक्के होता 

आर्थिक संकटामुळे मार्चमध्‍ये 18.7 टक्‍क्‍यांच्या तुलनेत खाद्यपदार्थांच्या किमतीत वाढ झाल्यामुळे एप्रिलमध्‍ये श्रीलंकेची एकूण चलनवाढ 30 टक्‍क्‍यांवर पोहोचली आहे. आकडेवारीनुसार, गेल्या महिन्यात श्रीलंकेची एकूण महागाई 29.8 टक्के होती. अशा प्रकारे अवघ्या एका महिन्यात महागाईने झपाट्याने झेप घेतली आहे.

चिंताजनक पातळीवर पोहोचली महागाई 

श्रीलंकेत एप्रिल 2022 मध्ये अन्नधान्य महागाई 46.6 टक्क्यांच्या चिंताजनक पातळीवर पोहोचली आहे. पहिल्या महिन्यात महागाई दर 30.21 टक्के होता. याचे कारण म्हणजे परदेशी चलनाच्या तुटवड्यामुळे श्रीलंकेला जीवनावश्यक अन्नपदार्थांचा पुरवठाही योग्य प्रकारे करता येत नाही, त्यामुळे खाद्यपदार्थाच्या किमती खूप वाढल्या आहेत.

चार अब्ज डॉलर्सची आर्थिक मदत अपेक्षित 

सध्याच्या आर्थिक संकटावर मात करण्यासाठी श्रीलंका सरकारला चार अब्ज डॉलरची विदेशी मदत अपेक्षित आहे. यासाठी त्यांनी जागतिक बँक आणि आंतरराष्ट्रीय नाणेनिधीशीही संपर्क साधला आहे. अलीकडेच, भारताने त्यांना इंधन खरेदीसाठी 50 कोटी डॉलर्स कर्जाची मदत केली होती. तत्पूर्वी, भारताने श्रीलंकेकडून 1.5 अब्ज डॉलरचे पेमेंट पुढे ढकलण्याचेही मान्य केले आहे.

महत्वाच्या बातम्या: