Viral Video : जगात असे अनेक लोक आहेत ज्यांना इंजेक्शन (Doctor Video Viral) मिळण्याची भीती वाटते. लहान मुले थोडी घाबरलेली असली तरी मोठ्यांचाही यात सहभाग असतो. खरं तर, लोकांच्या मनात एक फोबिया असतो की, इंजेक्शन घेतल्याने खूप वेदना होतात. इंजेक्शन घेताना अनेकदा लहान मुलं ओरडतात आणि खूप रडतात. तुम्ही हेही पाहिलं असेल की, अनेक मुलं इंजेक्शन बघताच रडू लागतात आणि ते घेतल्यानंतर इतक्या जोरात रडू लागतात की आई-वडीलही बेचैन होतात, पण आजकाल सोशल मीडियावर (Social Media) एक व्हिडिओ व्हायरल होत आहे, ज्यामध्ये डॉक्टरांनी एका लहान मुलाला अशा प्रकारे इंजेक्शन दिले की तो अजिबात रडला नाही.
'डॉक्टर असावा तर असा..!'
हा व्हिडीओ पाहिल्यानंतर तुमच्या मनात 'डॉक्टर असावा तर असा' हे नक्कीच येईल. व्हिडीओमध्ये तुम्ही पाहू शकता की, बाळ बेडवर झोपलेले आहे आणि एक डॉक्टर त्याची तपासणी करत आहे. यासोबतच ते मुलाला खूप हसवण्याचा प्रयत्न करतात, यामुळे मुल देखील खूप आनंदी होते. सायकल चालवल्यासारखे पाय जोरात चालवू लागते. यानंतर डॉक्टर 'खेळा-खेळात' मुलाच्या गुडघ्यावर इंजेक्शन देतात. आता इंजेक्शन दिल्यानंतर मूल रडण्‍याच्‍या बेतात असताना; डॉक्टरांनी त्याला खेळणी दाखवून लक्ष विचलित केले, त्‍यामुळे मूल त्यात हरवून जाते आणि इंजेक्‍शनच्‍या दिल्यानंतर दुसऱ्याच क्षणी मूल रडण्‍याचे विसरते. सय्यद मुजाहिद हुसेन असे डॉक्टरचे नाव आहे. ते गुडविल चिल्ड्रन क्लिनिक, बंगलोर येथे बालरोगतज्ञ आहेत.
डॉक्टर आणि मुलाचा हा अप्रतिम व्हिडिओ पाहा
हा कमाल व्हिडिओ इंस्टाग्राम या सोशल मीडिया प्लॅटफॉर्मवर dr_hfive नावाच्या आयडीवरून शेअर करण्यात आला आहे, जो आतापर्यंत 21 दशलक्षाहून अधिक वेळा पाहिला गेला आहे, तर 10 लाखांहून अधिक लोकांनी व्हिडीओला लाईक केले आहे. नेटकऱ्यांकडून विविध प्रकारच्या प्रतिक्रिया देखील येत आहेत.
नेटकऱ्यांकडून प्रतिक्रिया
एका युजरने लिहिले आहे की, 'माझ्या काळात असा कोणी डॉक्टर नव्हता', तर दुसऱ्या युजरने लिहिले आहे की, 'डॉक्टर असा असावा, ज्याला कोणावर कसे उपचार करायचे हे माहीत असते.