Soya chap Viral Video: सोया चाप खाणाऱ्यांना ओकारी आणणारी घटना, कामगार पिठात लोळतानाचा VIDEO व्हायरल, नक्की काय घडलं?

संबंधित कामगार बॅटर अंगाला लावत रील बनवत असल्याचेही व्हिडीओमध्ये दिसत आहे.

Soya chap Viral Video

Source : ABPLIVE AI

Soya Chap Viral Video: पनीर आणि नॉनव्हेजला पर्याय म्हणून मोठ्या प्रमाणात खाल्ले जाणारे सोया चाप पुन्हा एकदा चर्चेत आले आहे. मात्र यावेळी कारण चव नव्हे, तर ते बनवताना घडलेला धक्कादायक प्रकार चर्चेत आहे. सोशल मीडियावर व्हायरल झालेल्या एका व्हिडीओमध्ये काही कामगार सोया चापच्या पिठात लोळत रील बनवताना दिसत आहेत. सोया चाप खाणाऱ्यांना ओकारी आणणाऱ्या या घटनेचा व्हिडीओ उत्तर प्रदेशातील नोएडा येथील एका कारखान्यातील असल्याचा दावा केला जात असून, या प्रकरणाची अन्नसुरक्षा विभागाने चौकशी सुरू केली आहे.

बॅटरमध्ये लोळत रील बनवली

सुमारे 37 सेकंदांच्या व्हायरल व्हिडीओमध्ये सोया चाप तयार करणाऱ्या कारखान्यातील गचाळ दृश्य दिसते. जमिनीवर सोया चापचे बॅटर पसरलेले असून, त्यात अर्धनग्न अवस्थेतील एक कामगार लोळत आहे. दुसरा कामगार त्याला ओढत असल्याचे, तर तिसरा त्याच्यावर पाण्याचा फवारा मारताना दिसतो. संबंधित कामगार बॅटर अंगाला लावत रील बनवत असल्याचेही व्हिडीओमध्ये दिसत आहे. याचवेळी इतर काही कामगार मशीनवर काम करत असल्याचेही दिसते.

 

हम सबको सोया चाप बहुत पसंद होता है.. इसे भुन कर रोस्ट कर या सब्जी बना कर खाते है..

पर ये बनता कैसे है.. और कितनी सफाई से बनता है खुद देखिये सब.. pic.twitter.com/uKXpNSVoK6

— 😊 NiTu 😊 (@NituTiw81600052) July 26, 2026

आरोग्याबाबत चिंता व्यक्त

इतक्या अस्वच्छ पद्धतीने तयार होणाऱ्या सोया चापमुळे ग्राहकांच्या आरोग्याबाबत चिंता व्यक्त केली जात आहे. अशा प्रकारच्या बेकायदेशीर आणि निकृष्ट दर्जाच्या कारखान्यांमधून तयार होणाऱ्या उत्पादनांमुळेच सोया चापला दुर्गंधी येणे किंवा त्यात किडे आढळण्याच्या तक्रारी वारंवार समोर येत असल्याचे बोलले जात आहे.

अन्नसुरक्षा विभागाची चौकशी सुरू

गौतमबुद्ध नगरचे सहाय्यक अन्नसुरक्षा आयुक्त सर्वेश मिश्रा यांनी या व्हिडीओची दखल घेतली असून, या प्रकरणाची सखोल चौकशी सुरू असल्याचे सांगितले आहे. प्राथमिक तपासात हा व्हिडीओ नोएडामधील असल्याचे निश्चित झालेले नसून, त्याची सत्यता पडताळून पाहिली जात आहे. चौकशीनंतर संबंधितांवर आवश्यक ती कारवाई केली जाईल, असेही त्यांनी स्पष्ट केले आहे.