Dinosaurs : काय सांगता? मानवाचे पूर्वज डायनोसॉरसोबत फिरायचे, नवीन अभ्यासातून धक्कादायक माहिती समोर
Human Ancestors and Dinosaurs : मानवाचे पूर्वज डायनोसॉरसोबत फिरायचे, अशी धक्कादायक माहिती नवीन अभ्यासातून समोर आली आहे.
Human Ancestors Lived With Dinosaurs : मानवाची उत्क्रांती डायनासॉरच्या मृत्यूपूर्वी म्हणजे डायनासॉर (Dinosaurs) विलुप्त होण्यापूर्वी झाली की नंतर हा सर्वात मोठा प्रश्न आहे. पण आता या प्रश्नाचं उत्तर मिळाल्याचं म्हटलं जात आहे. मानवाचे पूर्वज डायनासॉरसोबत राहायचे, असा दावा संशोधकांनी केला आहे. नवीन अभ्यासातून ही धक्कादायक माहिती समोर आली आहे. इंग्लंडमधील ब्रिस्टल विद्यापीठ आणि स्वित्झर्लंडमधील फ्रिबोर्ग विद्यापीठातील शास्त्रज्ञांनी एका संशोधनाच्या आधारे ही माहिती उघड केली आहे. या संशोधनानुसार, डायनासॉर आणि मानव यांचं एकाच वेळी पृथ्वीवर होतं असा दावा केला जात आहे.
मानवाचे पूर्वज डायनासॉरसोबत फिरायचे
मानव आधी की डायनासॉरच्या आधी या प्रश्नाचं उत्तर इंग्लंडमधील ब्रिस्टल विद्यापीठ आणि स्वित्झर्लंडमधील फ्रिबोर्ग विद्यापीठातील शास्त्रज्ञांनी शोधलं आहे. या शास्त्रज्ञांनी सांगितलं आहे की, 66 दशलक्ष वर्षांपूर्वी लघुग्रहामुळे डायनॉसोर मारले गेले होते. त्यावेळी सस्तन प्राणी अस्तित्वात असल्याचा कोणताही पुरावा आधी सापडला नव्हता. त्यामुळे प्लेसेंटल सस्तन प्राणी हे मानवाचे सर्वात प्राचीन पूर्वज मानलं जात होतं.
नवीन अभ्यासातून समोर आली धक्कादायक माहिती
पण आता जीवाश्मांच्या तपासणीदरम्यान, मॉलिक्यूलर क्लॉक डेटावरून नवी माहिती समोर आली आहे. यानुसार, डायनासॉरच्या वेळी मानवीचा वंश अस्तित्वात होता. त्याकाळी मानव डायनासोरसोबत पृथ्वीवर जीवन जगत होता, असा दावा शास्त्रज्ञांनी केला आहे. मॉलिक्यूलर क्लॉक डेटा आणि प्राचीन काळातील जनुकांच्या (Genes) अवशेषांचा अभ्यास करून, त्या काळातील जीव शोधले जातात.
डायनासॉरच्या काळात मानवाच्या अस्तिवाचे पुरावे
नवीन मॉलिक्यूलर क्लॉक विश्लेषणात शास्त्रज्ञांना आढळून आलं आहे की, मानवाचे सर्वात जुने पूर्वज म्हणजेच प्लेसेंटल सस्तन प्राणी डायनासॉरच्या काळात उपस्थित होते. म्हणजेच मानव आणि डायनासॉर एका काळात पृथ्वीवर अस्तित्वात होतो. नव्या अभ्यासानुसार, क्रेटेशियस काळात मानव डायनासॉर सोबत फिरले. पण त्यांचा सहवास फार कमी काळासाठी होता.
मानवाचे पूर्वज डायनासॉरच्या काळात पृथ्वीवर उपस्थित
ब्रिस्टल युनिव्हर्सिटीच्या पॅलिओबायोलॉजिस्ट एमिली कार्लाइल यांनी सांगितलं आहे की, 'आम्ही हजारो वर्षे जुन्या जीवाश्मांचा अभ्यास केला. प्लेसेंटल सस्तन प्राण्यांच्या सर्वात प्राचीन जीवांबद्दल माहिती गोळा केली. यावरून त्यांची उत्पत्ती आणि नाश याबाबत संशोधन केलं जातं. याद्वारे आपण प्लेसेंटल सस्तन प्राण्यांच्या विकासाचा मागोवा घेऊ शकतो. डेटाचा अभ्यास केल्यानंतर, असं आढळून आलं आहे की, त्यावेळी मानवाचे पूर्वज म्हणजेच प्लेसेंटल सस्तन प्राण्यांची 380 कुटुंबे होती, त्यापैकी 21.3 टक्के डायनासॉरच्या वेळी उपस्थित होते. त्यांच्या विकासानंतरच वानर, कुत्रे, मांजर, ससे आणि घोडे यांची उत्क्रांती झाली.
मानवीची उत्पत्ती शोधण्याचा प्रयत्न
फ्रिबोर्ग विद्यापीठातील इवोल्यूशनरी बायोलॉजिस्ट डॅनियल सिल्वेस्ट्रो यांनी सांगितले की, आम्ही प्लेसेंटल सस्तन प्राण्यांच्या वंशाची उत्पत्ती शोधण्याचा प्रयत्न केला आहे. आम्ही त्यांची उत्पत्ती म्हणजेच त्यांची सुरुवात कुठून झाली, याचा मागोवा घेतला आहे. याच्या मदतीने आपण कोणत्याही जीवाच्या नाशाची सर्वात जवळची तारीख किंवा वर्ष शोधू शकतो.
डायनासॉरच्या काळातील सस्तन प्राण्यांचं जीवाश्म नाही
जगात फार कमी जीव मृत्यूनंतर जीवाश्म बनतात. त्यापैकी बहुतेक नष्ट होतात. प्लेसेंटल सस्तन प्राण्यांचे कोणतेही जीवाश्म सापडलेलं नाही. सस्तन प्राण्यांचं असं कोणतंही जीवाश्म अस्तित्वात नाही. म्हणूनच त्यांच्या अभ्यासासाठी जीवाश्मांच्या जुन्या माहितीचा अभ्यास करावा लागेल. शास्त्रज्ञांनी सजीवांची उत्पत्ती आणि विलुप्त होण्याचा अभ्यास केला तेव्हा, मानवाचे पूर्वज म्हणजेच प्लेसेंटल सस्तन प्राणी त्याकाळी डायनासॉरसोबत फिरत होते, हे समोर आलं, असा दावा शास्त्रज्ञांनी केला आहे.
महत्त्वाच्या बातम्या
ट्रेंडिंग न्यूज
