काळजी घ्या! कोरोनाच्या नव्या JN 1 व्हेरिएंटने ठाणेकरांचे टेन्शन वाढवलं, एकाच दिवसात पाच रुग्णांची नोंद

नव्या व्हेरियंटमुळे ठाणेकरांची चिंता वाढली आहे. यामुळे आरोग्य यंत्रणांना आणखी दक्षतेच्या सूचना देण्यात आल्या आहेत.

Coronavirus

Thane JN1 Covid :  ठाण्यात (Thane News) आता कोरोनाच्या (Covid 19) नव्या व्हेरीयंटने  JN1 Covid शिरकाव केला आहे. कोरोनाचा नवा व्हेरीयंट जेएन.1 चे पाच रुग्ण आढळले आहे. ठाण्यात आढळललेल्या पाच रुग्णात एक महिला आणि चार पुरुषांचा समावेश आहे. ठाण्यातील एकूण  कोरोना रुग्णांची संख्या 28वर गेली आहे. आता या नव्या व्हेरियंटमुळे ठाणेकरांची चिंता वाढली आहे. यामुळे आरोग्य यंत्रणांना आणखी दक्षतेच्या सूचना देण्यात आल्या आहेत. ठाण्यात आढळेल्या  रुग्णांपैकी दोन जणांवर सध्या रुग्णालयात उपचार सुरू आहेत.   

कोरोना विषाणूचा नवीन उपप्रकार जेएन.1 चा राज्यातील पहिला रुग्ण सिंधुदुर्ग जिल्ह्यात आढळला होता. त्यानंतर राज्यात रविवारी जेएन.1च्या आणखी नऊ रुग्णांची नोंद झाली. त्यात ठाणे महापालिका हद्दीत पाच, पुणे महापालिका हद्दीत दोन, पुणे जिल्हा आणि अकोला महापालिका हद्दीत प्रत्येकी एका रुग्णाची नोंद झाली. ठाण्यत पाच, पुण्यात दोन  तर पुणे ग्रामीण, अकोला आणि सिंधुदुर्गात प्रत्येकी एका जेएन१ व्हेरीयंटच्या रुग्णाची नोंद झाली आहे. 

आठ रुग्णांनी कोविडच्या लशीचे दोन डोस पूर्ण

राज्यात सापडलेल्या जेएन.1 च्या नऊ रुग्ण आढळले आहेत त्यातील आठ रुग्णांनी कोविडच्या लशीचे दोन्ही डोस घेतले आहेत. या सर्व रुग्णांना क्वारंटाईन करण्यात आलं आहे. सगळ्यांमध्ये जेएन 1 व्हेरियंटचे तीव्र लक्षणं नसून त्यांच्यावर उपचार सुरु आहे. त्यांची प्रकृतीत देखील सुधारणा होत असल्याचं राज्याचे आरोग्य विभाग सहसंचालक डॉ. प्रतापसिंह सारणीकर यांनी सांगितलं आहे. 

नवीन JN.1 कोरोना व्हेरियंटने चिंता वाढवली

कोरोना JN.1 च्या नवीन व्हेरियंटमुळे चिंता वाढली आहे. JN.1 व्हेरियंटमुळे कोविड रुग्णांमध्ये वाढ झाल्याचं मानलं जातं आहे. नवीन JN.1 व्हेरियंट कोविड 19 विषाणूच्या ओमायक्रॉन व्हेरियंटचा सब-व्हेरियंच आहे. JN.1 व्हेरियंटचा पहिला रुग्ण 25 ऑगस्ट 2023 रोजी आढळला होता. केरळमध्ये कोरोनाचा नवीन सब-व्हेरियंट JN.1 चा रुग्ण आढळून आला. राज्यात रविवारी नऊ  जेएन.1 व्हेरीयंटच्या रुग्णांची नोंद झाली आहे. एकूण जेएन 1 व्हेरीयंटची रुग्णसंख्या 10  वर  गेली आहे. नऊ पैकी आठ जणांनी लसीकरणाचे डोस पूर्ण केले आहेत. मात्र हे सर्वच रुग्ण बरे झाले असल्याची आरोग्य विभागाने माहिती दिली आहे. कोरोना JN.1 रुग्णांपैकी एक नऊ वर्षाचा मुलगा आहे.  राज्यातील एकूण कोरोना ॲक्टिव्ह रुग्णसंख्या 153 वर गेली आहे.  

खबरदारी म्हणून मास्क वापरा

देशात कोरोनाचा नवा व्हेरियंट धुमाकूळ घालतोय. केरळ, कर्नाटक, तामिळनाडू, महाराष्ट्र गोवा या राज्यांमध्ये प्रादुर्भाव वाढत असल्याने या राज्यांमध्ये विशेष खबरदारी घेतली जात आहे. मात्र सध्या सुट्टीचे दिवस असल्याने नागरीक पर्यटनसाठी बाहेर पडत असल्याने खबरदारीच्या सूचना करण्यात आल्या. ज्येष्ठ नागरिक, इतर व्याधींनी त्रस्त असणाऱ्या नागरिकांनी विशेष काळजी घेण्याचे तसेच गर्दीत जाणे टाळावे, मास्कचा वापर करण्याचे आवाहन करण्यात आलंय.