Thane : उल्हासनगरधील सेंच्युरी कंपनीत केमिकल टँकरचा स्फोट, दोन मजुरांचा मृत्यू तर पाच जण जखमी

उल्हासनगरमधील (Ulhasnagar) शहाडफटकच्या नजीक सेंच्युरी रेयॉन कंपनीत केमिकल टँकरचा स्फोट झाल्याची घटना घडली. यामध्ये दोन मजुरांचा जागीच मृत्यू झाला आहे.

Ulhasnagar News

Thane News : उल्हासनगरमधील (Ulhasnagar) शहाडफटकच्या नजीक सेंच्युरी रेयॉन कंपनीत केमिकल टँकरचा स्फोट झाल्याची घटना घडली. यामध्ये दोन मजुरांचा जागीच मृत्यू झाला असून, यामध्ये पाच मजूर गंभीर झाले आहेत. जखमींवर उपचार सुरू आहेत. सर्व जखमी मजुरांना सेंच्युरी हॉस्पिटलमध्ये उपचारासाठी दाखल करण्यात आले आहे. पोलीस घटनास्थळी दाखल झाले असून अधिक तपास सुरु आहे.

टँकरमधून केमिकल काढताना स्फोट झाल्याचा अंदाज

टँकरचा ब्लास्ट झाल्याची घटना सकाळी साडेअकरा वाजण्याच्या सुमारास घडली असून पोलीस घटनास्थळी दाखल झाले आहेत. या घटनेचा पोलीस अधिक तपास करत आहेत. दरम्यान, टँकरमधून केमिकल काढत असताना विस्फोट झाल्याचा प्राथमिक अंदाज पोलिसांनी वर्तवला आहे. या घटनेत 2 मजुरांचा मृत्यू तर 5 गंभीर झाल्याची माहिती सहायक पोलिस आयुक्त अमोल कोळी यांनी दिली आहे. जखमी मजुरांना भेटण्यासाठी भाजपा आमदार कुमार आयलानी तसेच शिवसेना नेते राजेंद्र चौधरी घटनास्थळी दाखल झाले असून त्यांनी जखमी रुग्णांची भेट घेतली आहे. 

महत्त्वाच्या बातम्या: