Gopichand Padalkar : म्हसोबाला नाही बायको, सटवाईला नाही नवरा अशी महाविकास आघाडीची अवस्था - गोपीचंद पडळकर

Gopichand Padalkar : म्हसोबाला नाही बायको आणि सटवायला नाही नवरा, अशी महाविकास आघाडीतील तीन पक्षांची परिस्थिती झाली आहे, असे  म्हणत पुन्हा एकदा पडळकर यांनी महाविकास आघाडीला लक्ष्य केलंय. 

gopichand padalkar

Gopichand Padalkar : भाजप आमदार गोपीचंद पडळकर यांनी महाविकास आघाडीवर, आदित्य ठाकरे यांच्या महाराष्ट्र दौऱ्यावर आणि उदय सामंत यांच्यावरील हल्लाप्रकरणी विरोधी पक्षांवर जोरदार टीका केली आहे. म्हसोबाला नाही बायको आणि सटवायला नाही नवरा, अशी महाविकास आघाडीतील तीन पक्षांची परिस्थिती झाली आहे. त्यामुळे हे तिन्ही पक्ष एकमेकांना सहकार्य करतायत असे  म्हणत पुन्हा एकदा पडळकर यांनी महाविकास आघाडीला लक्ष्य केलंय. 

आटपाडी मधील खाजगी सावकारकी विरोधात  गोपीचंद पडळकर यांच्या नेतृत्वाखाली  निषेध मोर्चा काढण्यात आला. यावेळी आटपाडी पोलीस स्टेशन समोर मोर्चेकरी आणि पडळकर यांनी  ठिय्या मारत खाजगी सावकारी करणाऱ्याच्या विरोधात गुन्हा दाखल करण्याची  मागणी. यावेळी  पडळकर प्रसारमाध्यमांशी बोलत होते. आदित्य ठाकरे यांचा सुरू असलेला दौरा हा काही झंझावती दौरा नाही. या दौऱ्यात तिन्ही पक्षातील कार्यकर्ते असतात. त्यामुळे पुण्यात उदय सामंत यांच्यावर हल्ला करणारे राष्ट्रवादीचे कार्यकर्ते आहेत. पुण्यात जास्त शिवसैनिक नाहीत. आदित्य ठाकरे यांची जिथं जिथं रॅली होतेय, तिथे पवारांचे कार्यकर्ते असतात. एका सर्व्हेत निवडणूक लागली तर शिवसेनेचे 18 आमदार आणि दोन-तीन खासदार निवडून येतील, अशी परिस्थिती असल्याने तिन्ही पक्षाच्या कार्यकर्ते असलेले हे दौरे  आहेत अशी टीका पडळकर यांनी केली आहे.

आदित्य ठाकरे यांचा दौरा म्हणजे राष्ट्रवादी आणि काँग्रेसने पुरस्कृत केलेल्या कार्यकर्त्यांचा दौरा आहे. माजी मंत्री उदय सामंत यांच्यावर केलेल्या हल्ल्याचा आम्ही निषेध करतो. पुण्यात पवार यांच्या राष्ट्रवादीच्या कार्यकर्त्यांनी माजी मंत्री उदय सामंत यांच्यावर  हल्ला केला आहे, असा गंभीर आरोपही भाजपचे आमदार गोपीचंद पडळकर यांनी केला आहे. म्हसोबाला नाही बायको, आणि सटवाईला नाही नवरा' अशी महाविकास आघाडी तीन पक्षांची अवस्था झाली आहे. हे तीन पक्ष एकमेकांना सहकार्य करतात. आदित्य ठाकरे यांच्या दौरात राष्ट्रवादीचे कार्यकर्ते गळ्यात भगवे मफलर घालून गर्दी भासवत आहेत, अशी टीका ही आमदार गोपीचंद पडळकर यांनी केली.