'पायलटला ही घटना घडवायचीच होती का?' अजित पवारांच्या निधनावर रोहित पवारांना वेगळाच संशय; पुरावेच आणले समोर
Rohit Pawar Questions Pilots Role in Ajit Pawar Incident: अजित पवार यांच्या निधनावर रोहित पवार यांनी सीसीटीव्ही फुटेज दाखवत अनेक गंभीर प्रश्न उपस्थित केले.
Rohit Pawar presents CCTV footage in Ajit Pawar case: दिवंगत नेते अजित पवार यांच्या निधनानंतर बऱ्याच नेत्यांनी संशय व्यक्त केला. हा अपघात होता की घातपात? अशी थेट शंका उपस्थित केली जात आहे. अशातच अजित पवारांच्या निधनानंतर त्यांचे पुतणे आमदार रोहित पवार यांनी काही व्हिडिओ क्लिप्स आणि काही कागदपत्रे समोर आणत गंभीर प्रश्न उपस्थित केले आहेत. देशातील किंवा बाहेरील एजन्सीकडून या घटनेचा तपास करण्यात यावा, अशी मागणीही त्यांनी उपस्थित केली. रोहित पवारांनी यावेळेस अपघातादरम्यानचा सीसीटीव्ही फुटेज प्रेसेन्टेशनद्वारे उपस्थितांना दाखवले. रोहित पवारांनी सीसीटीव्ही फुटेज दाखवताना, काही प्रश्न उपस्थित केले. 'पायलटला ही घटना घडवायचीच होती का?', असा गंभीर सवालही त्यांनी उपस्थित केला.
रोहित पवार यांनी पत्रकार परिषदेत सीसीटीव्ही फुटेज दाखवला आणि म्हणाले, "धुकं हा प्रॉब्लेम होता. या ठिकाणी एक रेष दिसत आहे. नंतर ब्लास्ट होतो. रनवेजवळ ती लाइन दिसते, ती आग आहे का? हा प्रश्न अनुत्तरित आहे. 5 km पेक्षा कमी दृश्यमानता असताना देखील विमान का लँड केले?", असा सवाल रोहित पवार यांनी उपस्थित केला. यावेळी रोहित पवार यांनी visual flight rules बाबत माहिती दिली. "विमानाला डीजीसीएचे स्ट्रीक्ट रूल्स आहेत, की पाच हजार मिटरपर्यंत जोपर्यंत व्हिसिबिलीटी येत नाही, तोपर्यंत विमान उडवायचं नाही. टेकऑफसुद्धा करता येऊ शकत नाही, असे आदेश देण्यात आले होते", असं रोहित पवार म्हणाले.
"सकाळी साडे आठ वाजेपर्यंत व्हिसिबिलीटी तीन किलोमीटरपर्यंत होती, असं बारामतीच्या एटीसीनं सांगितलं. Arrow कंपनीचा हँडलरने सात वाजता, कॅप्टन बारामतीत दृश्यमानता चेक करत असल्याची माहिती दिली. नंतर ऑल ओके, असं सात वाजून दहा मिनिटांनी उत्तर समोरून आलं. आता Arrow कंपनीने खोटी माहिती का दिली? असा सवाल उपस्थित होतोय. साडे आठ वाजेपर्यंत व्हिसिबिलीटी तीन किलोमीटपर्यंत होती. तर, सकाळी सातच्या सुमारास धुकं कमी असेल की जास्त? जास्त असेल ना? मग हा महाशय, ऑल ओके, visibility is fine, ok to take off, असं म्हटल्यानंतर आमचे दादा विमानात बसले. नंतर ही दुर्देवी घटना घडली. Arrow कंपनीला जबाबदार धरायला पाहिजे, इथे नियमांचे पालन न करण्यामुळे घटना घडली आहे", असा गंभीर आरोप रोहित पवार यांनी केला.
"पायलटला ठाऊक होतं की, व्हिसिबिलीटी नाही, मग हा हिरोगिरी करायला का गेला? त्याच्यावर कुणाचं प्रेशर होतं का? तो मुद्दामून गेला का? किंवा त्याच्या मनामध्ये ही घटना घडवायचीच होती? असे प्रश्न मनामध्ये उद्भवतात", असंही रोहित पवार म्हणाले.
महत्त्वाच्या इतर बातम्या:
Before You Go
Special Report Gandhi Topi : उर्दू शाळेची शान, गांधी टोपीला मान, गणवेशात गांधी टोपी
महत्त्वाच्या बातम्या
