धोत्रे मनी ट्रान्सफरचा व्यवसाय करत असल्यामुळे त्यांच्याकडे मोठी रक्कम जमा होते. सोमवारी रात्री साडे अकराच्या सुमारास धोत्रे नेहमीप्रमाणे ऑफिस बंद करुन दुचाकीने घरी निघाले होते.
ऑफिसपासून काही अंतरावर गेल्यानंतर दुचाकीवरुन आलेल्या दोघांनी त्यांच्यावर गोळ्या झाडल्या. धोत्रे जखमी अवस्थेत खाली पडल्यानंतर मारेकऱ्यांनी त्यांच्याजवळ असलेली पैशाची पिशवी घेऊन पळ काढला.
नागरिकांनी धोत्रे यांना तात्काळ थेरगाव येथील एका खासगी रुग्णालयात दाखल केले. मात्र उपचारापूर्वीच त्यांचा मृत्यू झाल्याचं डॉक्टरांनी सांगितलं. वाकड पोलीस लुटारु हल्लेखोरांचा शोध घेत आहेत.