Daund Political News : दोन दिवांसापूर्वी दौंड (Daund) तालुक्यात खासदार संजय राऊत यांच्या आभाराचे बॅनर लावण्यात आलेले. त्याच बॅनर शेजारी संजय राऊत यांच्या निषेध करणार बॅनर (Sanjay raut) (Rahul kul) लावण्याने दौंड तालुक्यात पोस्टर वॉर सुरू झालेलं आहे. खासदार (Political News) संजय राऊत यांनी 13 मार्चला भाजपचे आमदार व भीमा सहकारी साखर कारखान्याचे अध्यक्ष राहुल कुल यांच्यावर कथित पाचशे कोटींचा भ्रष्टाचारचा आरोप केला होता. आमदार कुल यांच्या समर्थकांनी राऊत यांनी केलेले हे आरोप बिनबुडाचे असल्याचा दावा करीत ठिकठिकाणी त्यांच्या प्रतिमेला जोडमारो, पुतळ्याचा दहन करून निषेध नोंदवला होता.
आमदार राहुल कुल यांच्या समर्थकांनी दौंड तालुक्यात मोर्चादेखील काढला होता. मात्र त्याला प्रत्युत्तर म्हणून खासदार संजय राऊत यांच्या आभाराचे फलक दौंड तालुक्यात झळकले होते. परंतु संजय राऊत यांच्या समर्थनार्थ लावलेल्या बॅनर शेजारीच संजय राऊत यांचा निषेध करणारा बॅनर लावला आहे. राऊत यांनी ऊस उत्पादक शेतकऱ्यांच्या आणि कामगारांच्या मालकीच्या असलेल्या भीमा पाटस सहकार कारखान्याच्या 500 कोटींच्या गैरव्यवहार आणि भ्रष्टाचाराला वाचा फोडली आहे. कर नाही तर डर कशाला, चौकशीला सामोरे जा, ऊस उत्पादक शेतकरी सभासदांच्या वतीने जाहीर आभार, अशा आशयाचे बॅनर शेतकरी सभासदांनी दौंड शहरात ठिकठिकाणी तसेच पुणे सोलापूर राष्ट्रीय महामार्गावर लावले होते. आता त्याच बॅनर शेजारी संजय राऊत यांच्या निषेधाचे बॅनर लावण्यात आले आहेत. मात्र दोन्ही बॅनरवर भीमा पाटसचे सुज्ञ शेतकरी म्हटले असेल तरी हे बॅनर कुणी लावले हे मात्र गुलदस्त्यात आहे.
भाजपचे माजी जिल्हाध्यक्ष नामदेव ताकवणे यांनी आमदार राहुल कुल यांच्या विरोधात कारखान्यात अनियमितता असल्याची तक्रार केली आहे. एकीकडे आमदार कुल यांच्या समर्थकाकडून खासदार राऊत यांचा निषेध होत आहे. तर दुसरीकडे खासदार राऊत यांच्या आभाराचे बॅनर लावण्यात आले होते. आता त्याच बॅनर शेजारी संजय राऊत यांच्या निषेधाचे बॅनर लावण्यात आले आहेत.. त्यामुळे दौंड तालुक्यात सध्या पोस्टर वॉर सुरू असल्याचे पाहायला मिळते आहे. दौंड तालुक्यात भीमा पाटसच्या कथित भ्रष्टाचाराच्या मुद्द्यावरून पुन्हा एकदा राजकारण चांगलेच तापले असल्याचे चित्र सध्या पाहायला मिळत आहे. आता नेमका हा वाद कोणामुळे थांबणार हे पाहणं महत्वाचं असेल.