एक्स्प्लोर
Advertisement
लोणावळ्यात सहलीला गेलेल्या रेल्वे इंजिनिअरचा दरीत पडून मृत्यू
सुळका उतरताना पाय घसरुन तीनशे फूट दरीत कोसळल्यामुळे रेल्वे इंजिनिअर रोहन महाजनला प्राण गमवावे लागले.
पिंपरी चिंचवड : लोणावळ्यात पावसाळी सहलीनिमित्त गेलेल्या रेल्वे इंजिनियरचा दरीत पडून मृत्यू झाला. पाय घसरुन तीनशे फूट दरीत कोसळल्यामुळे रोहन महाजनला प्राण गमवावे लागले.
लोणावळ्यातील नागफणी पॉइंटवर रविवारी दुपारी चार वाजताच्या सुमारास ही घटना घडली. रोहन महाजन मूळ जळगावचा होता. मात्र नोकरीनिमित्त मुंबईत राहत होता.
रोहन मुंबईहून रेल्वे विभागातील अधिकारी आणि कर्मचाऱ्यांच्या ग्रुपसह वर्षा सहलीसाठी आला होता. ड्युक्स नोज नावाने ओळखला जाणारा नागफणी सुळका सर्वांनी सर केला. दुपारी सर्वजण उतरु लागले होते. त्यावेळी रोहनचा पाय घसरला आणि तो थेट तीनशे फूट दरीत कोसळला.
दरीत पडताना शरीर बऱ्याच ठिकाणी आदळल्यामुळे त्याला जबर मार लागला होता. यामध्ये त्याचा जागीच मृत्यू झाला. लोणावळा पोलिसांनी घटनास्थळी दाखल झाल्यानंतर शिवदुर्ग रेस्क्यू टीमला पाचारण केलं. साडेपाच तासांच्या परिश्रमानंतर मृतदेह बाहेर काढण्यात आला.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
ट्रेडिंग न्यूज
क्राईम
मुंबई
भविष्य
Advertisement
ट्रेंडिंग न्यूज
विजय साळवी, एबीपी माझा
Opinion