लडाखमधील सर्वात उंच माऊंटन पास खारदुंग-ला जवळ अजयला अपघात झाला. अजय त्याच्या मित्रांसोबत कारगिल आणि लेह-लडाखला भटकंतीसाठी गेला होता. मंगळवारी सकाळी तो खारदुंग-ला परिसरात एकटाच गेला होता. दुपारी तो रस्त्यावर पडलेला आढळला.
अजयला लेहमधील स्थानिक रुग्णालयात दाखल करण्यात आलं. त्याला अनेक जखमा झाल्या होत्या, तर त्याच्या कवटीला चीर गेली होती. तो एकटा असल्यामुळे अपघात नेमका कसा झाला, हे अद्याप स्पष्ट झालेलं नाही.
विशेष म्हणजे सायकलिंग करताना त्याने हेल्मेट घातलं असतानाही त्याला इतकी गंभीर दुखापत कशी झाली, याबाबत आश्चर्य व्यक्त केलं जात आहे. बुधवारी संध्याकाळपर्यंत तो व्हेंटिलेटरवर होता. अखेर ब्रेन हॅमरेजमुळे त्याचं निधन झाल्याचं डॉक्टरांनी सांगितलं.