पिंपरीतील ताथवडे भागात बुधवारी रात्री हा प्रकार घडला. कारने जात असताना गजानन वीरकर यांनी हॉर्न वाजवला. त्यावेळी 'हॉर्न का वाजवतो' अशी दमबाजी दुचाकीस्वारांनी केली. मात्र वाद टाळण्यासाठी वीरकर तसेच पुढे निघाले.
दुचाकीस्वारांनी वीरकरांच्या गाडीचा पाठलाग केला. गाडी अडवून त्यांना दगडाने मारहाण केली. इतकंच नाही, तर गजानन वीरकरांच्या कारच्या काचा फोडून आरोपींनी गाडीचं दारही चेपलं. यामध्ये वीरकर जखमी झाले आहेत.
हा सर्व प्रकार सीसीटीव्हीमध्ये कैद झाला आहे. वाकड पोलिसांनी या प्रकरणी दुचाकीस्वारांना अटक केली आहे.
चारच दिवसांपूर्वी मोबाईल लुटण्यासाठी पादचाऱ्यांना कोयत्याचा धाक दाखवून बेदम मारहाण झाली होती. हे पाहता शहरात पोलिसांचा धाक राहिला आहे का नाही? असा प्रश्न विचारला जात आहे.