Abhijit Bichukle Accident : मराठी आणि हिंदी बिग बॉस गाजवणारा अभिजीत बिचुकलेचा पुण्यात अपघात
मराठी आणि हिंदी बिग बॉस गाजवणारा अभिजीत बिचुकले (Abhijit Bichukle) याचा पुण्यामध्ये अपघात झाला. या अपघातामध्ये त्यांच्या डोक्याला दुखापत झाली आहे.
Abhijit Bichukle Accident : मराठी आणि हिंदी बिग बॉस गाजवणारा अभिजीत बिचुकले (Abhijit Bichukle) याचा पुण्यामध्ये अपघात झाला. या अपघातामध्ये त्यांच्या डोक्याला दुखापत झाली आहे.हा अपघात कसा झाला आहे हे मात्र समजू शकले नाही. बिचुकले यांच्यावार खाजगी रुग्णालयामध्ये उपचार घेतल्यानंतर डॉक्टरांनी त्यांना विश्रांती सूचना केल्या आहेत.या अपघातात त्यांचे इतर चार मित्रही जखमी झाले आहेत. अभिजित साध्या पुण्यातील घरी आहेत. अभिजित हा मुळचा साताऱ्यातील असून तो सध्या व्यवसायानिमित्ताने पुण्यामध्ये असतो.
माझा किरकोळ अपघात झाला आहे. सुदैवाने या अपघातात मला गंभीर दुखापत झाली नाही. माझ्या अपघाताबाबतीत काही अफवा पसरवण्यात आल्या होत्या मात्र तसं काहीही नाही आहे. मी एकदम बरा आहे. खासगी डॉक्टरांच्या सल्ल्याने माझ्यावर उपचार सुरु आहे. येत्या काही दिवसातच मी ठणठणीत बरा होऊन पुन्हा समाजकार्यासाठी सक्रिय होणार आहे, असं अभिजित बिचूकलेने सांगितलं आहे. सध्या त्याचं पुण्यात कंदी पेढ्याचं दुकान आहे. काही महिन्यांपूर्वी त्याने हे दुकान सुरु केलं आहे. याच व्यावसायानिमित्त तो प्रवास करत असतो.
मराठी आणि हिंदी बिग बॉसच्या घरात या साताऱ्याच्या अभिजित बिचूकलेने धुमाकूळ घातला होता. दोन्ही बिग बॉसमध्ये उत्तम खेळत त्याने वेगळं स्थान निर्माण केलं होतं. त्याचे आतापर्यंत अनेक विधानं चर्चेतदेखील आले आहेत. मध्यंतरी अभिनेता शाहरुख खानने माझी स्टाईल फॉलो केली, असं विधान त्याने केलं होतं. त्यानंतर शाहरुखच्या अनेक चाहत्यांनी त्याला ट्रोल केलं होतं. अशा अनेक केलेल्या विधानामुळे तो कायम चर्चेत असतो आणि सोशल मीडियावर ट्रोलही होतो. राष्ट्रपती पदासाठी आपण योग्य आहोत आणि मला महाराष्टीतील राजकारण्यांनी पाठिंबा दिल्यास मी या पदासाठी निवडून येईल अशी आशा त्यांनी व्यक्त केली होती, त्यावेळीदेखील तो चर्चेत आला होता.
पत्नी भावी महिला मुख्यमंत्री
अभिजित बिचुकले यांनी आपल्या पत्नीला राज्याच्या पहिल्या महिला मुख्यमंत्री बनवण्याचा विडा उचलला आहे.अभिजीत बिचुकले यांनी त्यांच्या लग्नाच्या वाढदिवसानिमित्त आपल्या पत्नीला पत्र लिहून मनातल्या भावना सोशल मीडियावर व्यक्त केल्या आहेत. बिचुकले नेहमीच धक्कादायक विधाने करून राजकीय पटलावर चर्चेत राहतात. यापूर्वी त्यांनी मुख्यमंत्री पासून ते थेट राष्ट्रपती होण्याची स्वप्नं देखील पाहिली आहे. आता असंच एक मोठं स्वप्नं पाहून बिचुकले पुन्हा एकदा चर्चेत आले आहे.
महत्त्वाच्या बातम्या
