Pandharpur: पंढरीत बाप्पाच्या आडून प्रचाराचा श्रीगणेशा! विधानसभेच्या तोंडावर काका पुतण्याचा छुपा वाद समोर
गणपती उत्सवाचा मुहुर्त साधत विधानसभेच्या प्रचारासाठी पंढरपुरातील मंगळवेढा मतदारसंघात सुरु झाल्याचे दिसते.
Pandharpur: राज्यात विधानसभा निवडणूकांचे एकीकडे वेध लागले असताना पंढरीत प्रचाराचा नवा पॅटर्न सुरु आहे. विठ्ठलाच्या पंढरीत विधानसभेच्या प्रचाराला सुरुवात झाली असून आरोग्यमंत्री तानाजी सावंत यांचे पुतणे अनिल सावंत यांनी बाप्पाच्या आडून प्रचाराला सुरुवात केल्याचं दिसून आलं. काही दिवसांपूर्वी राष्ट्रवादीचे अध्यक्ष शरद पवारांची भेट घेतलेले आरोग्यमंत्री तानाजी सावंत यांचा पुतण्या अनिल सावंत यांनी पंढरपूर शहरात बाप्पाच्या मुर्त्या वाटत विधानसभेच्या प्रचाराला सुरुवात केल्यानं काका पुतण्याचा छूपा वाद आता बाहेर पडू लागला आहे.
दोन दिवसापूर्वी टेंभुर्णी येथे जयंत पाटील यांच्या स्टेजवर देखील अनिल सावंत यांनी हजेरी लावली होती. आता गणेश चतुर्थीच्या निमित्ताने पंढरपूर शहरातील विविध भागात अनिल सावंत यांच्याकडून बाप्पाच्या मूर्तीचे मोफत वाटप करून प्रचाराचा श्रीगणेशा करण्यात येत आहे. पंढरपूर मंगळवेढा विधानसभा मतदारसंघात भगीरथ भालके, प्रशांत परिचारक ,वसंत नाना देशमुख ,नागेश काका भोसले यांच्यासह अनेक दिग्गज तुतारीकडून उमेदवारीसाठी प्रयत्न करीत असताना आता अनिल दादा सावंत यांनी थेट कामाला सुरुवात केली असून अनिल दादा सावंत यांच्या एंट्रीने या मतदारसंघातील रेस वाढली आहे.
आरोग्यमंत्री तानाजी सावंतांचा पुतण्या शरद पवारांच्या दारात
आरोग्यमंत्री तानाजी सावंत यांचे पुतळे अनिल सावंत यांनी पुण्यात विधानसभेसाठी थेट शरद पवारांची भेट घेतली आहे. पंढरपूर मंगळवेढा जवळच्या भैरवनाथ साखर कारखान्याचा कारभार ते पाहतात. तानाजी सावंत यांचे बंधू शिवाजी सावंत यांनी माढा विधानसभा मतदारसंघाच्या जागेसाठीा दावा केल्यानंतर त्यांचा पुतण्या अनिल सावंत पंढरपुर मंगळवेढा मतदारसंघाच्या जागेसाठी इच्छूक असल्याचं कळतंय. आमदारकीसाठी शरद पवारांच्या राष्ट्रवादीला जवळ करत तुतारी हाती घेण्याचे मनसुबे दिसत आहेत.
राष्ट्रवादीकडून कोणाला मिळणार उमेदवारी?
सोलापूर जिल्ह्यातील पंढरपूर मंगळवेढ्याची जागा सध्या भाजपकडे असून तिथे सध्या समाधान अवताडे हे आमदार आहेत. या जागेसाठी भाजपचेच दोन माजी उमेदवार इच्छूक असून राष्ट्रवादी शरद पवार गटात येण्याचे त्यांचे मनसुबे असल्याची माहिती आहे. दरम्यान, आरोग्यमंत्री तानाजी सावंत यांच्या पुतण्याने शरद पवारांची भेट घेतल्याने राजकीय वर्तुळात नव्या चर्चा सुरु झाल्या आहेत. राष्ट्रवादीकडून या जागेसाठी कोणाला उमेदवारी मिळणार याकडे सर्वांचे लक्ष लागून राहिले आहे.
विधानसभेच्या पंढरपूर मंगळवेढा मतदारसंघातून निवडणूकीसाठी अनिल सावंत इच्छूक असून ही जागा सध्या भाजपकडे आहे. भाजपचेच माजी आमदार प्रशांत परिचारक आणि भीरथ भालके हे दाघेही या जागेसाठी निवडणूक लढवण्यास इच्छूक असून यांचाही प्रयत्न राष्ट्रवादीचे अध्यक्ष शरद पवार यांची तुतारी हाती घेण्याच्या तयारीत आहेत.
महत्त्वाच्या बातम्या
