Sanjay Jadhav : मनोज जरांगेंच्या भेटीला आलेल्या खासदार संजय जाधव यांना दिशा सालियन प्रकरणी प्रश्न, संजय जाधव उत्तर देत म्हणाले...
Sanjay Jadhav : परभणीचे खासदार संजय जाधव यांनी मराठा आरक्षण आंदोलक मनोज जरांगे पाटील यांची भेट घेतली. यानंतर त्यांनी विविध मुद्यांवर भाष्य केलं.

छत्रपती संभाजीनगर : परभणीचे खासदार संजय जाधव यांनी छत्रपती संभाजीगनरमध्ये मराठा आरक्षण आंदोलक मनोज जरांगे यांची भेट घेतली. यावेळी त्यांनी अंतरवाली सराटी हे गाव परभणी लोकसभा मतदारसंघात येत असल्यानं जरागेंचं आणि माझं नातं जिव्हाळ्याचं असल्याचं म्हटलं. दिशा सालियन मृत्यू प्रकरणावरुन सुरु असलेल्या घडामोडींबाबत प्रश्न विचारला असता संजय जाधव यांनी ते प्रकरण माहिती नसल्याचं म्हटलं. छत्रपती संभाजीनगरमध्ये ज्या विषयासाठी आलोय त्या विषयावर विचारा असं उत्तर खासदार जाधव यांनी दिलं.
संजय जाधव काय म्हणाले?
खासदार संजय जाधव म्हणाले अंतरवाली सराटी हे गाव माझ्या लोकसभा मतदारसंघातील आहे. मनोज जरांगे पाटील आणि माझं नातं हे जिव्हाळ्याचं आहे.त्यामुळे माझ्या घरातील व्यक्ती जर आजारी असेल तर जाऊन भेटणं आणि त्यांची विचारपूस करणे माझं कर्तव्य आहे, असं त्यांनी म्हटलं.
संजय जाधव यांनी काही दिवसांपूर्वी एकनाथ शिंदे यांच्या उपस्थितीत परभणीत मेळावा घेतला होता, त्यावरुन मनोज जरांगे यांनी टीका केली होती. यासंदर्भात बोलताना संजय जाधव म्हणाले की घरातल्या एखाद्या कर्त्या व्यक्तीला त्यांच्या माणसाला बोलायचा अधिकार असतो, त्यामुळे ते बोलले तर निश्चितच वाईट वाटण्याचं कारण काही नाही. त्यावेळी मनोज जरांगे यांची भावना वेगळी होती की मी समाजासाठी लढतोय आणि तुम्ही अशा स्वरूपाचे कार्यक्रम घेत आहात. त्यामुळे ते साहजिक होतं असं संजय जाधव यांनी म्हटलं. भाषण संपल्यानंतर मी शेवटी बोललो होतो, पाटलांच्या भावना दुखावल्या असतील तर मी दिलगिरी व्यक्त करतो, याची आठवण देखील त्यांनी करुन दिली.
मनोज जरांगे पाटील उपोषण सोडल्यानंतर त्यांच्यावर टीका होत असल्यासंदर्भात विचारल्यास संजय जाधव यांनी ते बाकीचं नको मला माझा विषय काय आहे ते माहिती आहे, असं संजय जाधव म्हणाले.
विजय वडेट्टीवार यांनी मनोज जरांगेंच्या आंदोलनावर केलेल्या आरोपाबाबत विचारलं असता संजय जाधव म्हणाले की त्यांच्याकडे जे काय असतील पुरावे ते शासनाकडे द्यायला पाहिजेत. त्यानंतर शासन त्याची शहानिशा करेल, आरोप करायला काय लागतं उचलली जीभ लावली टाळूला, या म्हणण्याला अर्थ नाही. कोणतीही गोष्ट पुराव्या शिवाय सिद्ध होऊ शकत नाही, असंही ते म्हणाले.
दुष्काळाच्या स्थिती संदर्भात प्रश्न विचारला असता संजय जाधव यांनी विशेष अधिवेशन घ्यावं न घ्यावं पण दुष्काळ जाहीर करावा ही मागणी असेल, पिण्याच्या पाण्याचा चाऱ्याचा प्रश्न असेल अनेक गोष्टींनी शेतकरी त्रस्त आहे. 1972 चा दुष्काळ आम्ही ऐकला होता,त्यामुळे आता अशा परिस्थितीत शेतकऱ्याकडे शासनाने तात्काळ लक्ष द्यावं.शेतकऱ्याला या दुष्काळाच्या धर्म संकटातून वाचवलं पाहिजे, देशाचा पोशिंदा हा शेतकरी आहे, त्यामुळे बळीराजा संकटात असेल तर सगळ्यांची मदत करण्याची भूमिका असली पाहिजे, असंही संजय जाधव यांनी म्हटलं.
दिशा सालियन प्रकरणावरुन आदित्य ठाकरे यांच्यावर सुरु असलेल्या आरोपांवर विचारलं असता संजय जाधव यांनी त्या विषयावर नको ना बाबा आता,कारण तो विषय मला माहितीच नाही असं म्हटलं. ज्या विषयासाठी आलो त्याच विषयाबाबत विचारा, असं संजय जाधव म्हणाले.
Before You Go
Sanjay Raut UNCUT : फोटो आणलाच कशाला? त्या बाईवर गुन्हा दाखल करा, राऊतांची मोठी मागणी






















