Rupali Patil Thombare: राष्ट्रवादी काँग्रेसच्या शिस्तभंगाच्या नोटीसला रुपाली ठोंबरेंनी उत्तर दिलं, म्हणाल्या, 'मी महिला आयोगाच्या...'
Rupali Patil Thombare NCP: रुपाली ठोंबरे पाटील यांच्याकडून राष्ट्रवादी काँग्रेसकडून मोठी कारवाई करण्यात आली होती. यामुळे त्या दुसऱ्या पक्षात जातील, अशी चर्चाही रंगली आहे.
Rupali Patil Thombare: राष्ट्रवादी काँग्रेस पक्षाकडून अलीकडेच रुपाली ठोंबरे पाटील यांना पक्षशिस्तीचा भंग केल्याप्रकरणी कारणे दाखवा नोटीस पाठण्यात आली होती. या नोटीसला रुपाली ठोंबरे पाटील (Rupali Patil Thombare) यांनी आता रितसर पद्धतीने पत्र पाठवून उत्तर दिले आहे. त्यांनी पक्षाकडे आपला खुलासा पाठवताना म्हटले की, मी कुठेही पक्षशिस्तीचा भंग केलेला नाही. फलटणमधील डॉक्टर तरुणीच्या मृत्यूसंदर्भात राज्य महिला आयोगाच्या अध्यक्षांच्या मताशी मी सहमत नाही, हे माझे मत मी मांडले होते. मला पक्षाने खुलासा पत्र मागितलं होते. राज्य महिला आयोग आणि प्रदेशाध्यक्ष रुपाली चाकणकर यांच्याबद्दल वक्तव्य केल्याबद्दल काल मी खुलासा दिला आहे. मी राज्य महिला आयोगाबद्दल बोलले आहे, प्रदेशाध्यक्षाबद्दल बोलले आहे. फलटण प्रकरणावर त्या जे काही बोलल्या त्यामुळे महाराष्ट्रभर असंतोष निर्माण झाला. मी कोणाबद्दल वाईट वक्तव्य केलेले नाही. मला पक्षाकडून नोटीस का देण्यात आली, मला याची कल्पना नाही, असे रुपाली ठोंबरे पाटील यांनी आपल्या पत्रात म्हटले आहे. या स्पष्टीकरणावर आता राष्ट्रवादी काँग्रेसचे सर्वेसर्वा अजित पवार आणि प्रदेशाध्यक्ष सुनील तटकरे यांचे समाधान होणार का, हे आता बघावे लागेल. (NCP News)
फलटणमधील डॉक्टर तरुणीच्या मृत्यूप्रकरणाबाबत राज्य महिला आयोगाच्या अध्यक्ष रुपाली चाकणकर यांनी पत्रकार परिषद घेतली होती. यानंतर रुपाली ठोंबरे पाटील यांनी स्वत:च्याच पक्षाच्या रुपाली चाकणकर (Rupali Chakankar) यांच्यावर प्रचंड आगपाखड केली होती. तेव्हापासूनच पक्षनेतृ्त्त्व रुपाली ठोंबरे पाटील यांच्यावर नाराज होणार, अशी कुजबुज राजकीय वर्तुळात रंगली होती. अखेर रुपाली ठोंबरे पाटील यांना राष्ट्रवादी काँग्रेसकडून (NCP) कारणे दाखवा नोटीस पाठवण्यात आली होती. तसेच पक्षाच्या प्रवक्तेदावरुनही त्यांची उचलबांगडी झाली होती.
Rupali Patil Thombare : राष्ट्रवादीचा रुपाली पाटलांना दुसरा धक्का
राष्ट्रवादी काँग्रेसच्या प्रवक्तेपदावरुन डच्चू मिळालेल्या अमोल मिटकरी यांना अजित पवार (Ajit Pawar) यांनी स्टार प्रचारक म्हणून नवी जबाबदारी दिली होती. मात्र, एरवी आक्रमकपणे पक्षाची बाजू मांडणाऱ्या रुपाली रुपाली पाटील ठोंबरे यांना मात्र स्टार प्रचारकांच्या यादीतून डच्चू मिळाला होता. प्रवक्तेपद गेल्यानंतर संघटनेत त्यांना दुसरी जबाबदारी देऊन त्यांचे पुनर्वसन केले जाईल, अशी शक्यता वर्तविली जात होती. मध्यंतरी रुपाली ठोंबरे पाटील पुण्यात अजित पवारांची भेट घेण्यासाठीही गेल्या होत्या. परंतु, त्या अजितदादांना न भेटताच माघारी परतल्या होत्या. प्रवक्तेपदानंतर स्टार प्रचारकांच्या यादीतूनही दूर ठेवल्याने पक्षनेतृत्त्व त्यांच्यावर प्रचंड नाराज असल्याची चर्चा आहे. त्यामुळे आता रुपाली ठोंबरे पाटील वेगळी वाट निवडणार का, याकडे सर्वांचे लक्ष लागले आहे.
आणखी वाचा
अजितदादांनी एका हाताने काढून घेतलं, पण दुसऱ्या हाताने भरभरुन दिलं, अमोल मिटकरींवर नवी जबाबदारी
Before You Go
Sharad Pawar NCP MP Meet PM Modi : मोदींच्या दरबारी कोणती 'तुतारी'? Special Report
महत्त्वाच्या बातम्या
