Maharashtra Politics: ठाकरेंची मुलं बॉम्बे स्कॉटिश, श्रीकांत शिंदे मिथिला इंग्लिश स्कूल; दिविजा फडणवीस कैथेड्रेल स्कूल, नेत्यांच्या मुलांच्या शाळा कोणत्या?
Maharashtra Politics: महाराष्ट्रातील प्रमुख नेत्यांनी आणि त्यांच्या मुलांनी कोणत्या शाळेत शिक्षण घेतलं, याबाबतची EXCLUSIVE माहिती एबीपी माझाच्या हाती लागली आहे.
Maharashtra Politics: शिवसेना ठाकरे गटाचे आमदार आदित्य ठाकरे (Aditya Thackeray) आणि मनसेचे नेते अमित ठाकरे (Amit Thackeray) यांच्या बॉम्बे स्कॉटिश शाळेचा संदर्भ देत मुख्यमंत्री देवेंद्र फडणवीस (Devendra Fadnavis) यांनी निशाणा साधला आहे. ठाकरे बंधूंचा भारतीय भाषांना विरोध, मात्र इंग्रजीला पायघड्या, असा हल्लाबोल देखील देवेंद्र फडणवीसांनी केला. मुलांना बॉम्बे स्कॉटिश स्कूलमध्ये शिकवायचं आणि भारतीय भाषांना विरोध करायचा, अशा शब्दात देवेंद्र फडणवीस यांनी ठाकरे गटाचे प्रमुख उद्धव ठाकरे (Uddhav Thackeray) आणि मनसेप्रमुख राज ठाकरे (Raj Thackeray) यांचा समाचार घेतला. देवेंद्र फडणवीसांच्या या टीकेनंतर मनसेप्रमुख राज ठाकरे, माजी मुख्यमंत्री उद्धव ठाकरे, सध्याचे मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार, राष्ट्रवादी शरद पवार गटाचे प्रमुख शरद पवार, खासदार सुप्रिया सुळे, खासदार श्रीकांत शिंदे, आमदार आदित्य ठाकरे, मनसेचे नेते अमित ठाकरे यांनी कोणत्या शाळेत शिक्षण घेतलं, याबाबतची EXCLUSIVE माहिती एबीपी माझाच्या हाती लागली आहे.
महाराष्ट्रातील महत्वाचे नेते आणि त्यांची मुलं कोणत्या शाळेत शिकली, जाणून घ्या...
राज ठाकरे- राज ठाकरेंचं प्राथमिक आणि शालेय शिक्षण हे मुंबईतील बालमोहन विद्या मंदिरमध्ये पूर्ण झालं
अमित ठाकरे- मुंबईतील आर.ए. पोदार कॉलेज ऑफ कॉमर्स अँड इकॉनॉमिक्समधून शालेय शिक्षण पूर्ण केले.
उद्धव ठाकरे- उद्धव ठाकरेंचं दादरच्या बालमोहन विद्यामंदिरातून शालेय शिक्षण पूर्ण केलय
आदित्य ठाकरे- आदित्य ठाकरे यांनी त्यांचं प्राथमिक शिक्षण मुंबईच्या माहिम येथील बॉम्बे स्कॉटिश स्कूलमधून पूर्ण झालं. त्यानंतर फोर्ट येथील सेंट झेवियर्स कॉलेज येथून त्यांनी इतिहास या विषयात बॅचलर ऑफ आर्ट्सची पदवी घेतली. त्यानंतर चर्चगेट येथील किशनचंद चेलाराम लॉ कॉलेजमधून त्यांनी कायद्याचं शिक्षण पूर्ण केलं.
तेजस ठाकरे- तेजस ठाकरेंनी बॉम्बे स्कॉटिश स्कूलमधून शालेय शिक्षण पूर्ण केले.. यानंतर तेजस ठाकरे यांनी जय हिंद कॉलेजमधून शिक्षण घेतले
देवेंद्र फडणवीस- सरस्वती विद्यालय, नागपूर
मुलगी दिविजा फडणवीस- कैथेड्रल स्कूल
एकनाथ शिंदे- ठाणे येथील किसननगर क्र. ३ येथील ठाणे महानगरपालिकेच्या शाळा क्र. 23 येथून त्यांनी आपले शालेय शिक्षण पूर्ण केलय.
श्रीकांत शिंदे- मिथिला इंग्लिश हायस्कूल... किसन नगर-३
शरद पवार- बारामतीतील महाराष्ट्र एज्युकेशन सोसायटीच्या शाळेत, काही काळ ते नगरमध्ये देखील होते. महाविद्यालयीन शिक्षण पुण्यात झालं.
अजित पवार- महाराष्ट्र एज्युकेशन सोसायटीच्या शाळेत, नंतर मुंबई आणि कालांतराने कोल्हापूर
सुप्रिया सुळे- सेंट कोलंबा स्कूल, मुंबई
विजयी जल्लोष मेळाव्याची तयारी, ठाकरे बंधू एकत्र, VIDEO:
संबंधित बातमी:
Before You Go
Tukaram Mundhe News: तुकाराम मुंढेंच्या FDA ला मुंबई हायकोर्टाचा दणका; नेमकं काय घडलं?
महत्त्वाच्या बातम्या
