Mumbai Protest Aaditya Thackeray and Amit Thackeray: अखेर मुंबईत आंदोलनाचा वणवा भडकला, ठाकरेंची त्रिमूर्ती रस्त्यावर उतरली अन् बघता बघता वातावरण पालटलं, दादरमध्ये नेमकं काय घडलं?
Mumbai Protest Aaditya Thackeray and Amit Thackeray: ठाकरेंची त्रिमूर्ती रस्त्यावर उतरली, मनसे-शिवसेनेच्या शाखांमध्ये मेसेज गेले, शिवाजी पार्कचं जंतरमंतर होणार

Mumbai Protest Aaditya Thackeray and Amit Thackeray: एकीकडे दिल्लीत कॉकरोच जनता पार्टी आणि डाव्या संघटनांचे आंदोलन पेटले असताना आता मुंबईतही सरकारविरोधी आंदोलनाचा वणवा पेटला आहे. मुंबईच्या शिवाजी पार्क परिसरात आंदोलनाची शक्यता असल्याने आज सकाळपासून याठिकाणी पोलीस फौजफाटा तैनात करण्यात आला होता. मात्र, रविवारी दुपारी आदित्य ठाकरे, अमित ठाकरे (Amit Thackeray) आणि तेजस ठाकरे हे तिन्ही ठाकरे आंदोलनात उतरल्याने हे आंदोलन अचानक पेटले. पोलीस काही आंदोलकांना गाडीतून घेऊन शिवसेना भवनाच्या परिसरात जात असताना तिन्ही ठाकरे आणि त्यांच्या कार्यकर्त्यांनी अचानक पोलिसांच्या (Mumbai Police) गाडीला घेराव घातला आणि ही गाडी रोखून धरली. गाडीत कोंबलेल्या आंदोलकांना सोडण्यासाठी तिन्ही ठाकरे अडून बसले. आदित्य ठाकरे यांनी तर पोलिसांच्या गाडीवर चढून घोषणा दिल्या. तर अमित ठाकरे आणि तेजस ठाकरे (Tejas Thackeray) हेदेखील समोरच्या गर्दीत ठाण मांडून उभे होते. त्यामुळे या आंदोलनाला अचानक जोर चढला. सीजेपीच्या या आंदोलनात ठाकरेंनी आक्रमक भूमिका घेतल्याने अत्यंत साधे वाटणारे, हे आंदोलन अचानक पेटले. यावेळी आदित्य ठाकरे हे अत्यंत आक्रमक दिसत होते. त्यांनी मोदी सरकार आणि भाजपवर जोरदार टीका केली. (Maharashtra Politics news)
आता हे आंदोलन शांत होणार नाही. आता हे आंदोलन चिघळणार. सगळ्यांनी शिवाजी पार्कच्या दिशेने या. आम्ही आता इथून रात्र झाली तरी हलणार नाही. आम्ही सर्व विभागप्रमुखांना बोलावले आहे. मुंबई पोलीस हे आज दिल्ली पोलिसांसारखे वागले, असे आदित्य ठाकरे यांनी म्हटले. दरम्यानच्या काळात पोलिसांनी सकाळपासून सीजेपीच्या या आंदोलनात अग्रणी असणारे संदीप देशपांडे आणि मनसेच्या काही कार्यकर्त्यांना ताब्यात घेतले. त्यामुळे अमित ठाकरे हे शिवसेना भवनाजवळून निघून शिवाजी पार्क पोलीस ठाण्याबाहेर जाऊन ठिय्या देऊन बसले आहेत. त्यांच्यापाठोपाठ आदित्य आणि तेजस ठाकरे हेदेखील शिवाजी पार्क पोलीस ठाण्यात दाखल झाले आहेत. त्यामुळे आता तिन्ही ठाकरे शिवाजी पार्कच्या परिसरात ठिय्या देऊन बसल्यास पोलीस यंत्रणेच्या अडचणी वाढण्याची शक्यता आहे. सध्या शिवाजी पार्कच्या परिसरात आंदोलक आणि पोलिसांची मोठी गर्दी आहे. मनसेकडूनही आपल्या पदाधिकारी आणि कार्यकर्त्यांना शिवाजी पार्कवर येण्याचे आदेश देण्यात आले आहेत. त्यामुळे आता शिवाजी पार्कमधील आंदोलन आणखी मोठे होण्याची शक्यता आहे. सकाळपासून पोलिसांनी शिवाजी पार्कमध्ये व्यवस्थित बंदोबस्त लावून आंदोलन होणार नाही, याची काळजी घेतली होती. याठिकाणी मोठ्या पिंजरा गाड्या लावण्यात आल्या होत्या. पोलिसांकडून शिवाजी पार्कमध्ये येणाऱ्या आंदोलकांची धरपकड केली जात होती. काही आंदोलकांना पोलिसांनी फरफटत गाडीपर्यंत नेले. अमित ठाकरे यांना हे दृश्य दिसले तेव्हा त्यांनी त्यावर आक्षेप घेतला. यानंतर तिन्ही ठाकरे बंधूंच्या एन्ट्रीमुळे शिवाजी पार्कमधील हे आंदोलन पेटले आहे.
आदित्य ठाकरे, अमित ठाकरे आणि तेजस ठाकरे आंदोलनात सामील झाल्याने सीजेपीच्या कार्यकर्त्यांचाही उत्साह वाढला आहे. सीजेपीच्या आंदोलकांकडून आता मोदी सरकारविरोधात जोरजोरात घोषणा दिल्या जात आहेत. सध्या याठिकाणी ठाकरे गट आणि मनसेचे बडे नेतेही हजर झाले आहेत. त्यामुळे आता शिवाजी पार्क परिसराला दिल्लीच्या जंतरमंतरचे स्वरुप येण्याची शक्यता आहे.
आणखी वाचा
Before You Go
Sanjay Raut UNCUT : फोटो आणलाच कशाला? त्या बाईवर गुन्हा दाखल करा, राऊतांची मोठी मागणी





















