Nagpur Crime : न्यायालयाची फसवणूक करणाऱ्यांसोबत पोलिसांची पार्टी!

न्यायालयाची फसवणूक करणाऱ्या टोळीवर पोलिसांनी कारवाई केली. मात्र आरोपींना पोलिसांकडून स्पेशल ट्रिटमेंट देण्यात येत आहे. पोलिस आयुक्तांनीही या प्रकरणाची गंभीर दखल घेत संबंधितांना फटकारले असल्याचे कळते.

nagpur police

नागपूरः बनावट कागदपत्रांच्या आधारे गुन्हेगारांना न्यायालयातून जामीन मिळवून देणाऱ्या टोळीने गुन्हे शाखेच्या कार्यालयात दारू-कबाब पार्टी साजरी केल्याचा प्रकार उघडकीस आला आहे. पोलिस आयुक्त अमितेश कुमार आणि गुन्हे शाखेचे उपायुक्त चिन्मय पंडीत यांच्या सतर्कतेने ही बाब समोर आली आहे. याप्रकरणी एका अधिकाऱ्याची तातडीने नियंत्रण कक्षात बदली करण्यात आली आहे. या कारवाईने पोलिस अधिकारी व कर्मचाऱ्यांचे धाबे दणाणले आहे.

गुन्हे शाखेने या रॅकेटचा पर्दाफाश करून यात सहभागी असलेल्या चार आरोपींना अटक केल्याची माहिती आहे. हे आरोपी तुरुंगात आहेत. पार्टीची घटना गेल्या आठवड्यात घडली. सेमिनरी हिल्स येथील गुन्हे शाखेचे युनिट-2 या प्रकरणाचा तपास करत आहे. सूत्रांनी दिलेल्या माहितीनुसार, आरोपींनी अधिकारी आणि जवानांसोबत पार्टी आयोजित केली होती. आरोपींच्या हिंतचिंतकांनी पार्टीसाठी साहित्याची व्यवस्था केली. संध्याकाळनंतर आरोपी, त्याचे साथीदार आणि युनिट-2 मधील काही कर्मचाऱ्यांनी पार्टी साजरी केल्याचे सांगण्यात येते. रात्री बाहेरील लोकांची हालचाल नसल्याने पार्टीबाबत कोणालाच माहिती मिळू शकली नाही. कार्यालयाच्या आवारात सीसीटीव्ही कॅमेरे नसल्याची खात्री युनिट-2 चे अधिकारी व कर्मचारीदेखील निश्चित होते.

दरम्यान, पोलिस आयुक्त अमितेश कुमार आणि गुन्हे शाखेचे उपायुक्त चिन्मय पंडीत यांना या पार्टीची माहिती मिळाली. त्यांनी युनिट-2च्या अधिकारी व कर्मचाऱ्यांना खडसावले. नियंत्रण कक्षात पाठवलेल्या अधिकाऱ्याला विनाकारण शिक्षा करण्यात आल्याचे बोलले जात आहे. ज्याच्या संमतीने हा कारभार झाला त्या अधिकाऱ्यावर देखील कठोर कारवाई अपेक्षित होती. न्यायालयाची फसवणूक करून गुन्हेगारांना मदत करणाऱ्या आरोपींना चांगल्या कोठडीची सुविधा आणि पार्टीची परवानगी देणे ही अत्यंत गंभीर घटना आहे. दोषींवर कठोर कारवाई करुनच योग्य संदेश दिला जाऊ शकतो.

मटका किंगतर्फे सत्कार!

सूत्रांनी दिलेल्या माहितीनुसार, फुटाळा येथील कुख्यात मटका किंग समजल्या जाणाऱ्याने दोन महिन्यांपूर्वी परिसरात सार्वजनिक भोजनाचे आयोजन केले होते. या कार्यक्रमात युनिट-2 च्या अधिकाऱ्यांचा सत्कार करण्यात आला होता. याचे फोटो सोशल मीडियावर देखील शेअर केले